Qart qurlyqta Qazaq eliniń ánurany tórt márte shyrqaldy. Asa jeńil salmaqta synǵa túsken Alýa Balqybekova serbııalyq Snejana Sılkovıch, fransııalyq Abrıne Zýtonı jáne serbııalyq Nıkol Dýrıkovany utyp, altynnan alqa taqty. 50 kılo salmaqta kúsh synasqan Nazym Qyzaıbaıdyń da myqtylyǵy esh kúmán týǵyzǵan joq. Eki dúrkin álem chempıony degen ataǵy bar qazaq qyzy Pıhla Kaıvo-Oja (Fınlıandııa), Klaýdııa Pavıska (Polsha), Glorııa d’Almeıda (Fransııa) jáne Natalııa Rokty (Polsha) bas kótertpeı utty. Úshinshi altyn Karına Ibragımovanyń enshisinde. 57 kılo salmaqta qolǵap túıistirgen jerlesimiz barlyq qarsylasyn jolynan yǵystyryp, bas júldeni oljalady. Asa aýyr salmaqtaǵy Lázzat Kúngeıbaeva da dál sol mejeden kórindi.
Aqtyq synǵa alqynbaı jetken Marına Halzova (75 kılo) sheshýshi tusta shvesııalyq Lıýbov Holgersonǵa ese jiberip, kúmis medaldy ıelendi. Al Balaýsa Muzdıman (54 kılo), Jaına Shekerbekova (54 kılo), Jazıra Oraqbaeva (50 kılo), Aıda Ábikeeva (63 kılo), Darıǵa Shákimova (66 kılo) jáne Sánııa Sultanqyzy (57 kılo) qolaǵa qol sozdy.
