19-kezeńde de Lopes dál sol mejeden kórindi. Sodan biz kelesi jarys kúnin taǵatsyzdana kúttik. Eger osy joly kolýmbııalyq veloshabandoz qarqynyn kúrt kúsheıtse, onda úzdik úshtiktiń qataryna qosylatyny anyq edi. 20-kezeń Moralsaral men Pýerto-de-Navaserrada óńirleri aralyǵynda ótti. О́kinishke qaraı, 181 shaqyrymdyq qashyqtyqta Lopes segizinshi orynda qalyp qoıyp, jarys kestesindegi jaǵdaıyn jaqsarata almady.
Jalpy eseptegi jaǵdaı ózgergen joq. Belgııalyq Remko Evenepýl («Quick-Step Alpha Vinyl Team») – birinshi, ıspanııalyq Enrık Mas («Movistar Team») – ekinshi jáne Pıreneı túbeginiń taǵy bir ókili Hýan Aıýsa («UAE Team Emirates») úshinshi satyǵa jaıǵasty.
