Sýretti túsirgen avtor
Ekinshi dúnıejúzilik soǵysta eren erlik kórsetken batyr atyndaǵy saıabaq Qazybek bı men Ilııas Esenberlın dańǵyldarynyń qıylysynda oryn tepti. Al qoladan quıylǵan eskertkishtiń bıiktigi tuǵyrymen qosa eseptegende 8,5 metrdeı. Generaldyń bolmysyn sıpattaıtyn músin shynymen de sátti shyqqan.
– Qurmetti jerlester, búgin – oblysymyz ben О́skemen qalasy úshin aıtýly kún. Sebebi biz Keńes Odaǵynyń Batyry, táýelsiz Qazaqstannyń tuńǵysh Qorǵanys mınıstri, Halyq Qaharmany, armııa generaly Saǵadat Nurmaǵambetovke arnalǵan eskertkishtiń ashylý saltanatyna arnaıy jınalyp otyrmyz. Saǵadat Qojahmetulynyń ómir joly barsha qazaqstandyqqa úlgi-ónege bolýǵa tıis. Onyń táýelsiz Qazaqstannyń Qarýly kúshterin qalyptastyrý jáne damytý jolyndaǵy atqarǵan eńbegi orasan zor. Osy rette Saǵadat Qojahmetuly Qazaqstandaǵy Halyq Qaharmany jáne armııa generaly degen ataqtarǵa ıe bolǵan birinshi adam ekenin de erekshe atap ótkim keledi. Bizdiń mindetimiz – batyrǵa laıyqty qurmet kórsetý, dańqty tulǵanyń rýhyn jańǵyrtý. Generaldyń erligi men eńbegin nasıhattaý maqsatynda salynǵan saıabaq halyqtyń súıikti demalys ornyna aınalady dep senemin, – dedi saltanatty
jıynǵa arnaıy kelgen aımaq basshysy Danıal Ahmetov.
Sonymen qatar Saǵadat Nurmaǵambetovtiń shákirti ári áriptesi, general-leıtenant Bolat Janasaev pen dańqty qolbasshynyń nemeresi Lıra Nurmaǵambetova da jyly estelikterimen bólisip, osyndaı saıabaq pen eskertkishtiń ashylýyna úles qosqan el aǵalaryna alǵystaryn aıtty.
Al eskertkishtiń lentasyn Ekinshi dúnıejúzilik soǵystyń ardageri Qurmat Rahımov pen Halyq Qaharmany, general-leıtenant Baqytjan Ertaev qıdy. Jınalǵan qaýym batyr baba rýhyna taǵzym etip, eskertkishine gúl shoqtaryn qoıdy.
Aýmaǵy bir jarym gektar jańa saıabaq otbasymen demalýǵa taptyrmas oryn eken. Tórt sýburqaq, terrasa, 100-ge jýyq oryndyq pen sáýlet óneriniń ózge de týyndylary kózdiń jaýyn alady. Saıabaq aýmaǵyna 200-ge jýyq túp aǵash otyrǵyzylyp, jerine sý jańa gazonnyń tóselýi de kelýshilerdi qýantatyny sózsiz.
Shyǵys Qazaqstan oblysy
