2017 jyly Sankt-Peterbýrgte 137-shi Assambleıa otyrysyn ótkizdik. Sol kezde dinaralyq jáne etnosaralyq dıalog qurý, mádenı plıýralızmdi ilgeriletý taqyrybynda qurylǵan qorytyndy qujatta parlament músheleri málimdeme jasady. Bul qujatta konvensııa, mádenıet jáne etnosaralyq toptarmen dıalog qurý qoǵamdy beıbitshilikpen pen mádenı plıýralızmmen damytýda qajetti alǵysharttary bolyp tabylatyny aıtylǵan.
Biz áleýmettik, saıası-ekonomıkalyq jáne ekologııalyq, ıdeologııalyq saladaǵy daǵdarystarmen kúresý úshin de jumys isteımiz. Sondaı-aq dinı kemsitýshilikpen, rasızmmen jáne ksenofobııamen kúresti odan ári kúsheıte otyryp, dinı bostandyqty shekteýge qarsy turamyz. Sonymen birge ádiletti qoǵam qurýdaǵy negizgi shartymyz ashyqtyq bolyp sanalady. Bul qaı kezde de óte ózekti sharttardyń biri bolyp keldi. Máselen, biraz adam dinı lıderlerdiń sózderin ne úshin ózderine mańyzdy shart dep qabyldaıdy? Sebebi olar bul jerde rýhanı róldi atqaryp otyr. Al biz normatıvtik turǵydan aktilermen qamtamasyz etemiz. Oǵan ar-ojdan, din, dinı nanym-senim bostandyǵyn qamtamasyz etý kiredi.
Qazir Halyqaralyq Parlamentaralyq odaq rýhanı, dinı damýdyń mańyzy týraly aýqymdy baıandama ázirlep jatyr. Sonymen birge beıbitshilik úshin zorlyq-zombylyqtyń barlyq túrimen kúresý de – bizdiń alǵa qoıǵan maqsatymyzdyń biri. Búginde dinı oqý aǵartý isi de mańyzdy. Eger qoǵamnyń barlyq jikteri osyny jan-jaqty uǵynsa, onyń ishinde dinniń mańyzyn túsinetin bolsa ol bizdiń úlken jeńisimiz bolmaq. О́ıtkeni birlik bolǵan jerde tirlik te bar.
Dýarte PAShEKÝ,
Parlamentaralyq odaqtyń prezıdenti
