«Astana» óz alańynda «Tobyldy» qabyldady. Báseke óte qarqyndy bastaldy. Eki komandanyń da jyldam gol soǵýǵa tamasha múmkindikteri boldy. Biraq qyrsyqqanda dop qaqpaǵa enbeı qoıdy. Eń qyzyǵy, 28 mınýtta Marın Tomasov 11 metrlik núkteden nysanany dál kózdeı almaı, jergilikti jankúıerlerdiń kóńil kúıin qulazytty. Kózdi ashyp-jumǵansha «Astananyń» oıynshylary óz aıyp alańynda erejeni óreskel buzyp, olardyń qaqpasyna penaltı belgilendi. Núktege kelgen Serikjan Mujyqov múlt ketken joq. 35-mınýtta Abat Aıymbetov tarazy basyn teńestirdi. Sodan keıin de alma-kezek shabýyldar jalǵasty. 72-mınýtta Sergeı Malyı buryshtamadan berilgen dopty baspen uryp, qaqpaǵa dál túsirdi – 1:2. Osy esep oıynnyń sońyna deıin saqtaldy.
«Aqtóbe» men «Taraz» arasyndaǵy kezdesýdiń birinshi kezeńinde esep ashylǵan joq. Úzilisten keıin Serder Serderov mergendik tanytyp, alań ıelerine jeńis áperdi – 1:0.
