Úkimettiń jáne tutastaı alǵanda búkil memlekettiń aldyna naqty mindetter qoıdy. Elimizdiń barlyq salasyna nazar aýdarylǵanyn atap ótken jón. Birinshi kezekte Prezıdent halyqtyń ál-aýqatyn arttyrý máselelerin atap ótti. Áıelder úshin zeınetkerlik jasty 2028 jylǵa deıin 61 jasqa deıin azaıtý, bala kútimi boıynsha tólemderdiń uzaqtyǵyn 1,5 jasqa deıin arttyrý jáne balalarǵa ulttyq qor ashý týraly usynystar – bizdiń bolashaǵymyzǵa salynǵan tikeleı ınvestısııa. Ulttyq qordyń jyl saıynǵy ınvestısııalyq tabysynyń 50 paıyzy balalardyń arnaýly jınaqtaýshy esepshotyna aýdarylady. Keleshek urpaqtyń damýy úshin bul tamasha múmkindik bolǵaly tur.
El ekonomıkasynyń negizgi qýat-kúshi – shaǵyn jáne orta bıznesti damytýǵa, jańa salyq kodeksin ázirleýge, memlekettik satyp alýlar týraly jańa zańǵa da kóńil bólindi. Budan basqa sheteldik kólikterdiń elimizde tirkelýi, joldardyń sapasy jaıynda da tyńǵylyqty tapsyrmalar berilgenin estidik.
Erekshe atap óterligi, Prezıdentimiz qańtar oqıǵasyna zor kóńil bólip, qaraly kezeńge qatysty oılaryn jetkizdi. Qańtar oqıǵasynyń qatysýshylaryna bir rettik raqymshylyq jasaý naǵyz demokratııalyq memlekettiń kórsetkishi dep esepteımin.
Qasym-Jomart Kemelulynyń bıyl kúzde merziminen buryn Prezıdent saılaýyn ótkizý jáne keler jyldyń alǵashqy jartysynda barlyq deńgeıdegi depýtatty merziminen buryn saılaý týraly bastamasyn tolyq qoldaımyn. Bolashaqta Prezıdent 7 jylǵa ári bir merzimge saılanýy – quptarlyq is. El basshysy óz ókilettiliginde bir ǵana baǵdarlamamen, naqty istermen jumys istese túpkilikti nátıje bolady degen senimdemin.
Dáýren ǴAZIZ,
S.Toraıǵyrov atyndaǵy ýnıversıtettiń saıasattaný magıstranty
Pavlodar oblysy
