Egin egý naýqany elimizdiń astyq ósiretin basty óńirlerinde bastaldy

2014 jylǵy egin egý naýqany respýb­­­lıkanyń ońtústik óńirlerinen soltústik aımaqtarǵa jetti. Osy jyldyń kóktemgi-egis jumystaryn qoldaýǵa «QazAgro» ulttyq holdıngi bar­­lyq qar­jylandyrý kózderinen jalpy 61,2 mlrd. teńge baǵyttaýdy kózdep otyr, onyń 40 mlrd. teńgesi – bıýdjettik nesıe. Sarap­shy­lar­dyń ba­ǵalaýy boıynsha holdıngten egin naýqa­nyna bólingen qarajat 6,2 mln.ga jerde agro­teh­nıkalyq sharalardy ótkizýge múmkindik beredi. Búgingi kúni «QazAgro» kompanııasyna aýyl sharýashylyǵy taýar óndirýshilerinen 3 myńnan astam ótinim kelip tústi, ótinimderdiń jıyntyq somasy 28,9 mlrd.teńgeni quraıdy. Bul kórsetkishtiń 2,5 myń ótinimi búginde maquldandy. 14,5 mlrd.teńgeni quraıtyn 1,6 myńnan astam ótinim qarjylandyryldy. Kóktemgi-egis jumystaryn nesıe­len­dirýge kelip túsken eń kóp ótinimder kelesi aımaqtardy qamtıdy – Qostanaı oblysy (962 ótinim), Aqmola oblysy (694), Ońtústik Qazaqstan oblysy (616), Soltústik Qazaqstan oblysy (357) jáne Pavlodar oblysy (144). Egin naýqanyn qarjylandyrýdy «QazAgro» ulttyq holdınginiń quramyn­daǵy úsh damý ınstıtýty júrgizedi, olar – «Agrarlyq nesıe korporasııasy» AQ, «Azyq-tú­lik kelisimshart korporasııasy» AQ jáne «Aýyl sharýashylyǵyn qar­jylaı qoldaý qory» AQ. Budan bó­lek AО́K sýbektileriniń nesıe kóz­derine qoljetimdiligin arttyrý úshin «QazAgro» ulttyq holdıngi respýb­lıkanyń agrarlyq salasyndaǵy sharýa­shylyqtardy qarjylandyrýǵa bir­qatar ekinshi deńgeıli bankterdi qar­jylandyrdy. Bul maqsattarǵa holdıng bıýdjettik nesıeden 20 mlrd.teńge bóldi. Búgingi kúni egin naýqanyna bank­ter 16,2 mlrd.teńgeden astam somaǵa qarjylandyrý jumystaryn júrgizdi. Nesıelendirý standartty banktik rásimder boıynsha júzege asyrylady. Qarjylyq resýrstardan bólek «Qaz­Agro» aýyldyqtardyń mashına-traktor parkin jańalaý suraqtaryn she­shýde. Agrarshylarǵa qajetti aýyl­sharýa­shylyq tehnıkasyna qol jetkizýdi «Qaz­AgroQarjy» AQ lızıng pen nesıelendirý quraldary boıynsha júzege asyrýda. Búginde kompanııada 11,6 mlrd.teńgeni quraıtyn 1 334 birlik tehnıkaǵa kelip túsken ótinimder jumys ústinde. Qarjylyq lızıng mámileleri 7,1 mlrd.teńge somasyna 745 birlik tehnıkany ıemdenýge jasaldy. Maqpal ÁÝESBAEVA.