Kezdesý barysynda aýyl turǵyndary men sharýa qojalyqtarynyń basshylary jerdiń qunarsyzdanýy, qudyq tapshylyǵy, sýbsıdııanyń tómen deńgeıi, dızel otyny baǵasynyń qymbattaýy sekildi máselelerdi kóterdi.
Amanat-tyń Atqarýshy hatshysy quramyna partııanyń depýtattary, Bas prokýratýranyń, Aýyl sharýashylyǵy mınıstrliginiń ókilderi, zańgerler, qoǵam qaıratkerleri kiretin komıssııa músheleri aýyl turǵyndarynyń máselelerin bilý úshin elimizdiń barlyq óńirinde kezdesýler ótkizip jatqanyn atap ótti.
«Memleket basshysy Qasym-Jomart Toqaevtyń tapsyrmasy boıynsha, paıdalanylmaı jatqan jáne jeke menshikke zańsyz berilgen aýyl sharýashylyǵy jerlerin memleket menshigine qaıtarý jóninde jumys júrgizilýde. «Jer amanaty» komıssııasynyń mindeti – aýyl turǵyndary úshin jaıylymǵa teń qoljetimdilikti qamtamasyz etý. Úsh aıdyń ishinde partııanyń aralasýymen 10 óńirde 1,6 mln gektardan astam jer qaıtaryldy. Onyń ishinde Qaraǵandy oblysynda 1 mln gektar jaıylym memleket menshigine ótti. Biz bul isti toqtatpaımyz. Osy baǵyttaǵy turaqty jumysty jalǵastyramyz», dedi Ashat Oralov.
Jaıylym tapshylyǵy jer salasyndaǵy jalǵyz másele emes ekenin atap ótken Májilistegi Amanat fraksııasynyń múshesi Erlan Saırov kezdesýlerdiń qorytyndysy boıynsha zańnamaǵa tıisti ózgerister engiziletinin aıtty.
Jergilikti turǵyn Nurbol Arynbaevtyń aıtýynsha, aýyl turǵyndary «Jer amanaty» komıssııasyna úlken úmit artady. «Mal sany ósip jatyr. Al jem-shóp bazasy jetispeıdi. Ásirese shaǵyn sharýashylyqtarǵa qıyn. Jańa jaıylymdar, memleket tarapynan qoljetimdi sýbsıdııalar qajet», dep atap ótti ol.
Aýdan turǵyndarynyń basym bóligi et jáne sút sharýashylyǵymen aınalysatynyn alǵa tartqan sharýa Eldos Maılybaev: «Jaıylym tapshylyǵy ár aýylda seziledi. Komıssııa jumysynyń osy oblystaǵy naqty nátıjesin kórip otyrmyz. Bul – qýanarlyq jaǵdaı. Partııalyqtarmen kezdesýde ózge de túıtkildi máselelerdi atap óttik. Ol máseleler de óz sheshimin tabýy tıis», dedi.
Belgili zańger Baqytjan Bazarbek komıssııa músheleri jaıylymdardyń ádil bólinýine qol jetkizýdi jalǵastyratynyn atap ótti. «О́kinishke qaraı, jergilikti turǵyndar barlyq jaıylymnan shettetildi. Aýyl turǵyndary mundaı komıssııany kútip otyrǵanyn kórip otyrmyz. Bárin tekserip, qazirde keıbir olıgarhtardyń jerin memleketke qaıtaryp jatyrmyz. Taǵy da qaıtalap aıtamyn: zań aldynda bári teń», dedi ol.
Sondaı-aq kezdesýler aıasynda partııanyń Qaraǵandy oblystyq fılıalynda «Jer amanaty» komıssııasynyń músheleri azamattardy qabyldady.
Aıta ketý kerek, partııanyń jer máselelerin neǵurlym jedel sheshý úshin ashylǵan «Jedel jeli» telefonyna 1,5 myńnan astam ótinish kelip túsken. Onyń barlyǵy óńirlik komıssııalardyń qaraýyna berildi.
