«Saǵat 09:00-degi jaǵdaı boıynsha densaýlyq saqtaý uıymdaryna túsken zardap shekkenderdiń jalpy sany 163 adamdy qurady», dep habarlady Qyrǵyzstannyń Densaýlyq saqtaý mınıstrligi.
Dárigerlerdiń málimetinshe, ótken túni zardap shekken 19 adam medısınalyq kómekke júgingen, onyń 12-si ambýlatorııalyq emdelýge jiberildi.
Stasıonarlarda 144 adam jatyr. Zardap shekkenderdiń kópshiligi Bishkek jáne Osha Densaýlyq saqtaý uıymdaryna aýystyryldy.
Eske sala ketsek, 14 qyrkúıekte qyrǵyz-tájik shekarasynda qarýly qaqtyǵys boldy. Taraptar bir-birin arańdatýshylyq jasady dep aıyptap otyr.
Qyrǵyzstan Densaýlyq saqtaý mınıstrliginiń málimetinshe, qarýly qaqtyǵystardyń saldarynan 59 adam qaza tapqan. Al Tótenshe jaǵdaılar mınıstrligi qaqtyǵys aımaǵynan 136 myńnan astam azamat evakýasııalanǵanyn habarlady.
Aıta ketsek, Sadyr Japarovtyń jarlyǵymen 19 qyrkúıek Qyrǵyzstanda ulttyq aza tutý kúni dep jarııalandy.
