Aımaqtar • 20 Qyrkúıek, 2022

Jurt ıgiligine jaraǵan jobalar

44 ret kórsetildi

Qazir Qazaly aýdanyndaǵy úlken jobanyń biri – «Qarlań» ýchaskesindegi temir-beton kópiriniń qurylysy. Uzaq jyldar boıy ózenniń arǵy betindegi aǵaıynnyń kúni qalqymaly kópirge qarap kelgen. Darııa arnasynda muz ustasatyn qys pen ózen sýy molaıatyn kóktemde bul kópirler ­jınalyp, aýyldaǵylardyń aýdan ortalyǵyna jetýi qıyndaı túsetin. Myńdaǵan halyq jyldar boıy kútken kópir qurylysy bıyl bastaldy.

Jańa kópir arqyly Jankent, Birlik, Qojabaqy, Arandy, Boz­kól, Tasótkel, Laqaly, Ajar, Tas­aryq jáne Káýkeı eldi meke­nindegi 12 myńǵa jýyq halyqtyń alys-berisi artyp, jol qatynasy jaqsarmaq.

Jalpy, osy jyly aýdandyq mańyzdaǵy avtomobıl joldaryn jóndeý baǵytynda 7 joba qolǵa alynyp, jaqynda ǵana Bekarystan bı men Maıdakól aýyldarynyń arasyndaǵy jol asfalttaldy. Merdiger mekeme «Nuras ı K» JShS avto­mobıl jolyna sý kózderi ja­qyn bolǵandyqtan negizgi jol qa­batyn nyǵaıtyp, 7,3 shaqyrymǵa asfalt-beton qabatyn tolyqtaı tósedi. Endigi kezekte merdiger mekeme jol jıegin bekitip, jol belgilerin ornatyp, jolaqtaryn syzady. Buǵan deıin aýdandyq mańyzdaǵy Bekarystan bı men Jańaqurylys eldi mekenderiniń arasyndaǵy 12,3 shaqyrym jol asfalttalǵan bolatyn.

Qazir Áıteke bı kenti men Basyqara aýyly, Maıdakól men Ú.Túktibaev eldi mekenderiniń arasyndaǵy joldardy jóndeý jumystary qarqyndy júrgizilip jatyr.

Jyl aıaǵyna deıin oblys­taǵy eldi mekenderdi gazdandyrýdy 68 paıyzǵa jetkizý josparlan­ǵan. Iri ortalyqtardan bólek aýyl­darǵa da «kógildir otyn» jet­keli jurt artyq beınetten qu­tyl­dy. Bul qorshaǵan ortaǵa da oń áser etti. Bıyl tabıǵı gaz ıgi­ligin kórip otyrǵan jurt qa­ta­ryna Qazaly qalasy turǵyn­dary da qosyldy. Qazir aýdan ortalyǵy Áıteke bı kenti men eldi mekenderdi gazdandy­rý ju­mystary qarqyndy júr­gizilýde.

Osy kúni aýdan ortalyǵy­na jaqyn ornalasqan Jalań­tós batyr, Q.Pirimov, Basyqara aýyl­daryna gaz tartý aıaqtalýǵa jaqyn. Jaqyn kúnderi osy eldi mekender turǵyndary tabıǵı gaz tutynatyn bolady.

Bul baǵyttaǵy jumystar sheńberinde Abaı aýylyn gazdandyrý úshin jobalyq-smetalyq qujattary daıyndalyp jatyr. Jobalaýshy «Birlestik» JShS jobalyq-smetalyq qujatta­ryn ázir­lep, saraptamadan ótkizedi. Sonymen qatar «Birlestik» JShS demeýshiligimen «Aqtan batyr aýylynyń oramishilik gaz qubyryn salý» jobasy ázir­lenýde.

Qalaǵa tán ıgilikten aýyl halqy da tys qalmaýy kerek. Ási­­rese, aýyl balalary qa­jet­ti ınfraqurylymmen qamty­lýǵa tıis. Bıyl Balalar jyly­na baılanysty oblys bas­­shy­lyǵy­­nyń bastamasymen qala men aýyldarda bala­lar alań­dary salynyp jatyr. Sonyń biri osy aýdanda­ǵy Arandy aýylynda boı kóterý­de. Qaza­ly­lyq kásipker Temirhan Ken­jebaev demeýshilik etken alań­­nyń qurylys jumystaryn «QazalyStroıServıs» JShS júrgizedi. Jalpy aýmaǵy 70h40 metr bolatyn alań ishinde jaz­dyq sahna men turǵyndar otyra­tyn oryndar, balalar men eresek­ter úshin trenajerlyq qu­ryl­ǵy­lar ornatylady.

Búginde sport alańynyń je­rin kóterip, syrtyn qorshaý ju­mystary aıaqtalǵan. Endigi kezekte alańnyń jıekteri bıik­tetilip, jasandy tósenishter tóseledi. Sonymen qatar Keńes Odaǵynyń Batyry Úrmásh Túk­tibaev atyndaǵy aýylda da sport kesheniniń qurylysy júrýde.

Aýdan ákimi Muhtar Oraz­baevtyń aıtýynsha, osynyń bári balalar men jastardyń bos ýaqytynda sportpen aınalysýyna jaǵdaı jasaý, olar­dyń top bolyp tóbelesýiniń aldyn alýdyń qamy, qoǵamǵa jat qylyqqa jol bermeı, jastardyń paıdaly ispen aınalysýyna kómektesý.

– Jaqynda Qazaly qala­sy­nyń jastarymen kezdesip, pikir­lerin tyńdadym. Olar B.Qo­saev kóshesiniń aıaq jaǵynda orna­lasqan bos orynǵa balalar oıyn alańy men 40h20 metr bolatyn kishi fýtbol alańyn salyp berýdi surap otyr. Tipti sol orynǵa óz kúshterimen 100 mashınadaı qum tógipti. Jastardyń talaby oryndy, aýdandyq qurylys, sáýlet jáne qala qurylysy bóliminiń basshylyǵyna jobalyq-smeta­lyq qujattaryn daıyndap, qar­jysyn esepteý tapsyryldy, – deıdi aýdan ákimi.

Aldaǵy ýaqytta Qazaly qala­synda eki sport keshenin salý josparda tur. Onyń biri bıýdjet esebinen salynsa, ekinshisi jeke kásipkerdiń qarjysyna boı kóteredi.

Aýdan aýmaǵynda kezdesip qalatyn jastar arasyndaǵy toptyq tóbelestiń aldyn alý úshin jumysshy top qurylyp, tıisti jumystar atqarylyp jatyr. Keıingi býyn ókilderimen kezdesý barysynda keshki mez­gilde mektepter men kolledj­der­diń sport zaldaryn paıda­laný jónindegi jastardyń usynysy qoldaý taýyp, ony úılestirý tıisti mamandarǵa tapsyryldy.

 

Qyzylorda

Sońǵy jańalyqtar

Túrkistanda 200-deı úı jylýsyz qaldy

Aımaqtar • Búgin, 18:15

Ekibastuzda 40-tan astam úıge sý berilmegen

Aımaqtar • 02 Jeltoqsan, 2022

Erbolat Dosaev Almaty qalasynyń ákimi qyzmetinde qaldy

Taǵaıyndaý • 02 Jeltoqsan, 2022

QazaqGaz dırektorlar keńesiniń quramy ózgerdi

Qazaqstan • 02 Jeltoqsan, 2022

Uqsas jańalyqtar