Aımaqtar • 20 Qyrkúıek, 2022

Otbasy baqyty bárinen bıik

80 ret kórsetildi

Alashtyń altyn besigi sanalatyn Syr óńirinde 141 myńnan asa otbasy bar. Olardyń 48 myńy – kópbalaly shańyraq. Oblysta 17 myńǵa jýyq ana «Altyn alqa» men «Kúmis alqa» ıegeri atanyp otyr. Tamyryn keńge jaıǵan osyndaı áýletter ónegesi jańa shańyraq tiktegen keıingi jastarǵa úlgi.

«Otbasy kúni» aıasynda oblys ákimi Nurlybek Nálibaev jar­ty ǵasyr birge ǵumyr keship kele jatqan altyn toı ıelerimen kez­desti. Olardyń qatarynda eńbe­gimen abyroı bıigine kóterilgen áýletter ókilderi boldy.

О́ńir basshysy ultymyzda otbasy uǵymynyń orny bólek ekenin atap ótip, shańyraq shattyǵyn bárinen bıik qoıǵan jandarǵa qurmet tanytty.

– Halqymyzda «Otan – otbasynan bastalady» degen keremet sóz bar. Otandy súıýge tárbıeleı­tin birden-bir orta – otbasy. Jara­sym, súıispenshilik, meıirim sekildi izgi qasıetter arqyly ǵana shańy­raq bıik qurylyp, keregesin keńeı­tip, tútini túzý ushady. El Prezıdenti Qasym-Jomart Kemeluly Toqaev osy jylǵy Joldaýynda otbasyn qorǵaý jáne bala kapıtalyn qalyptastyrýǵa erekshe mán berdi. Mundaı qoldaý árbir qazaqstandyqtyń óz bolashaǵyna degen senimin nyǵaıta túsetini sózsiz, – dedi oblys basshysy.

Qazir óńirde el turmysyn jaq­sartý úshin qolǵa alynǵan jobalar kóp. Bul bastamaǵa jergilikti kásipkerler de úles qospaq. Son­daı isker azamattyń biri oblys ortalyǵynan «Analar úıin» salý­ǵa bel baılap otyr.

Kezdesýde berekeli shańyraq ıelerin oblystyq máslıhat hat­shy­sy Naýryzbaı Baıqadamov «Ot­basy kúnimen» quttyqtap, osyn­­­daı máýeli baqqa aınalǵan áýlet­­­tegi shańyraq jarasymy jas­­­tar­ǵa úlgi bolýy kerektigin aıtty.

Jıynda 7 bala, 20 nemere, 5 shó­bere tárbıelegen Faızýlla Sahıev pen shańyraǵynan 8 bala, 22 nemere, 8 shóbere órbigen Batyr ana, «Eńbekte úzdik shyqqany úshin» medali men «Kúmis alqa» ıegeri, saýynshy Razııa Appazova sóz aldy.

Sońǵy úsh jylda óńirde bala týý kórsetkishi 16 paıyzǵa kóbe­ıip, demografııalyq ósim artty. Ákim­men áńgimede osy saladaǵy má­seleler de aıtyl­dy. Aral aýda­nyndaǵy Sekseýil kentiniń tur­ǵyny Tólebaı Mahanov myńdaǵan turǵyny bar eldi mekende perzenthana joqtyǵyn, aýrýhana qury­lysynyń uzaqqa sozylyp ketkenin jetkizdi.

Jınalǵandar otbasy ónegesi, bala tárbıesi men jastarǵa ult­tyq qundylyqtardy nasıhattaý ja­ıynda pikir almasty Altyn toı ıelerine jergilikti ónerpazdar jyrdan shashý shashyp, áýlettiń analaryna syı-qurmet kórsetildi.

 

QYZYLORDA

Sońǵy jańalyqtar

Muz qursanǵan Ekibastuz

Aımaqtar • Búgin, 21:12

Úmit sáýlesi

Saıasat • Búgin, 21:11

Ult saýlyǵy – uly baılyq

Saıasat • Búgin, 21:09

Sábıdiń ómirin saqtap qaldy

Aımaqtar • Búgin, 21:02

Qataıǵan júrekti jibitetin eriktiler

Aımaqtar • Búgin, 21:01

Teatr baǵytyn talǵam anyqtaıdy

Teatr • Búgin, 20:59

Túrlengen temekiniń bári zııan

Medısına • Búgin, 20:58

MÁMS: Baıbalam salýdyń qajeti joq

Suhbat • Búgin, 20:55

Sańlaqtyń sońǵy samǵaýy

Qazaqstan • Búgin, 20:50

Kitap kókjıegi keńeıip keledi

Rýhanııat • Búgin, 20:41

Álem chempıonaty: Derek pen dáıek

Fýtbol • Búgin, 20:37

«Nemis máshınesi» jolda qaldy

Fýtbol • Búgin, 20:36

Stýdenttik teatr festıvali

Teatr • Búgin, 20:34

«Kúmbirle kúıim, elimde!»

Aımaqtar • Búgin, 20:28

Túrkistanda 200-deı úı jylýsyz qaldy

Aımaqtar • Búgin, 18:15

Uqsas jańalyqtar