Batys Qazaqstan oblysynda edilbaı tuqymdas saýlyq tórt qozy týdy

ORAL. 16 mamyr. Batys Qazaqstan oblysy, Jańaqala aýdanynda edilbaı qoıy tórtem týdy. Bul týraly egemen.kz tilshisi habarlady. Jaratylys bereıin dese shekten tys myrzalyq tanytatyny bul joly taǵy da dáleldendi. Shalǵaıdaǵy Jańaqala aýdanynyń turǵyndary erli-zaıypty  Bektemir men Sveta Bekqalıevterdiń jeke ıeligindegi saýlyqtyń biri birden tórt qozy tapty. Asyl tuqymdy edilbaı qoıy negizinen bir qozy týatyny seleksııalyq tájirıbeden jaqsy belgili. Osyǵan qaramastan bıyl tórt qozy týǵan saýlyq sońǵy eki jyl qatarynan úsheýden tóldepti. Alaıda, qaqaǵan qysta tóldegendikten, názik, qyzylshaqa qozylar ólip qala beredi eken. Al bıylǵy tórt qozy oınaqtap, et jınap keledi. Tańsyqty kórmek úshin izdep elge barǵanda qoı óristen kelip jatyr eken. Saýlyqty bólektegen úı ıesi analyqtyń janynan tórt qozysyn qatar jiberdi. «Qoı súıedi balasyn qońyrym dep...» aýyz ádebıetinde aıtylǵandaı, analyq qoı tórt tóline qatar emirenedi. Qozylar bolsa talasa-tarmasa anasynyń emshegin sorǵylaýǵa kiristi. Qoı ıesi: «Mundaı jaǵdaıda saýlyq súti birine kóp, birine artyq ketýi múmkin. Sondyqtan qozylardy ekeýden shyǵaryp, kezekpen emizýdi qajet dep taýyp otyrmyz. Ári buǵan qosymsha sút beremiz», – dedi. Temir Qusaıyn. Derekkóz: egemen.kz. Foto: egemen.kz.