«Baıanaýyl aýdandyq soty kúdiktilerdi QR QK 337-babynyń 4-bóligi 2, 4-tarmaqtarynda kózdelgen qylmystyq quqyq buzýshylyq jasaǵany úshin kináli dep tanydy. Olarǵa 3 jyl merzimge bas bostandyǵynan aıyrý, 6 jyl merzimge ań aýlaý quqyǵynan aıyrý jáne myltyq tárkileý jazasy taǵaıyndaldy. Sonymen qatar sot memleket paıdasyna 21 mln teńge kóleminde zalal tóleýdi mindettedi. Azamattyq talap tolyq kólemde qanaǵattandyryldy», dep habarlady polısııa qyzmetkerleri.
Ustalǵandardan sileýsinniń eki terisi men eliktiń ushasy tárkilendi.
Tergeý jumystary barysynda azamattar «salafızm» destrýktıvti aǵymynyń ókilderi ekeni anyqtaldy.
Aıta ketsek, Pavlodar oblysynda sileýsin aýlaýǵa tyıym salynǵan. Sondaı-aq 2022 jyldyń 1 qańtarynan bastap elik aýlaýǵa da ruqsat etilmeıdi.
