Is-sharaǵa Eýrazııa óńiriniń 32 elinen 3 myńnan astam kásiporyn qatysýda. Olardyń arasynda qazaqstandyq kásiporyndar da bar.
Kórme aıasynda Qazaqstannyń Qytaıdaǵy elshiliginiń, «Kazakh Invest «UK» AQ jáne «Qytaı – Eýrazııa» Kórmesi hatshylyǵynyń uıymdastyrýymen gıbrıdti formatta «Qazaqstan – ShUAA kásipkerler forýmy» ótkizildi. Is-sharanyń maqsaty – eki el kásipkerleri arasyndaǵy baılanystardy jandandyrý jáne saýda men ınvestısııalyq ózara is-qımyldy keńeıtý boldy.
Forýmda Qazaqstannyń ınvestısııalyq ahýaly men ekonomıkalyq áleýeti, elimizde bıznes júrgizý úshin jaǵdaıdy jaqsartý boıynsha Úkimet qabyldap jatqan sharalar, sondaı-aq ulttyq kompanııalardyń múmkindikteri tanystyryldy.
Is-shara qorytyndysy boıynsha jalpy somasy 475 mln AQSh dollardy quraıtyn mys jáne sırkonıı konsentratyn satyp alý, qazaqstandyq jemister men kókónisterdi Qytaıǵa eksporttaý, avtoklavty gazobloktardy óndirý jáne basqa birqatar kommersııalyq qujatqa qol qoıyldy.
Sonymen qatar Qazaqstannyń Qytaıdaǵy elshiliginiń uıymdastyrýymen Kórme aýmaǵynda barlyq qatysýshylar arasynda Qazaqstannyń eń iri ulttyq pavılony ornalastyrylǵan, onda 20 iri qazaqstandyq tamaq jáne jeńil ónerkásip kásiporyndarynyń, qurylys materıaldary óndirisiniń (kúnbaǵys maıy, kondıterlik ónimder, bal, un, makaron ónimderi, shyryndar, spırttik ishimdikter jáne basqa da ónimder) 140-tan astam ónim túrleri usynylǵan.
Qazaqstandyq pavılonnyń jumysy 23 qyrkúıekke deıin jalǵasady. QHR-ǵa qazaqstandyq ónimdi jetkizýge kelisim-shart jasasýǵa múddeli Qytaıdyń iskerlik toptarynyń ókilderine konsýltatıvtik qoldaý kórsetilýde.
