Salyq júktemesi azaıady

Atap aıtqanda, «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń kodeksine (Salyq kodeksi) jáne «Salyq jáne bıýdjetke tólenetin basqa da min­detti tólemder týraly» Qazaqstan Res­pýb­lıkasynyń kodeksin (Salyq kodeksi) qoldanysqa engizý týraly» Qazaqstan Respýblıkasynyń Zańyna ózgerister men tolyqtyrýlar engizý týraly zań jobasy birinshi oqylymda maquldandy.

Qujat jóninde Ulttyq ekonomıka mınıstri Álibek Qýantyrov baıandama jasady. Vedomstvo basshysynyń aı­týynsha, zań jobasynda birneshe másele eskerilgen.

«Birinshi blok – eńbekaqy qoryna júktemeni azaıtý. Memleket basshysy ótken jylǵy Qazaqstan halqyna Jol­daýyn­da jıyntyq júktemeni azaıta oty­­ryp, mıkro jáne shaǵyn bıznes úshin eńbekaqy tóleý qorynan alynatyn biryń­ǵaı tólemdi engizýdi tapsyrǵan bolatyn.

Qazirgi ýaqytta eńbekaqy qorynan mól­sher­lemeleri, esepteý bazalary ártúrli birneshe tólem tólenedi. Bul tólem­derdi bir tólemge biriktirý usyny­lady. Áleýmettik aýdarymdar mólsheri qyz­­met­­kerlerge tólenetin bolashaq tólem­derge áser etetindikten, júktemeni jeke tabys salyǵy esebinen tómendetý kózdelip otyr.

Biryńǵaı mólsherlemede mindetti zeınetaqy jarnalaryn engizý jáne áleýmettik aýdarymdar mólsherlemesiniń ósýi eskeriledi. Tólemdi arnaýly salyq rejimderindegi mıkro jáne shaǵyn bıznes sýbektileri erikti negizde qoldanady. Soma biryńǵaı jıyntyq tólem tetigine uqsas bólinedi. Osylaısha, biryńǵaı tólem salyqtar men eńbekaqy tólemderin esep­teýdi jeńildetip qana qoımaı, salyq júktemesin azaıtýǵa da múmkindik beredi», dedi Á.Qýantyrov.

Túzetýlerdiń ekinshi baǵyty sala­lyq zańnamalardaǵy ózgeristermen baılanysty. Jeke tulǵalardyń bankrot­tyǵy kezinde salyq salý máselelerin retteý qarastyrylǵan.

«Máselen, bankrot dep taný úshin sotqa júgingen kezde memlekettik bajdyń mólsherin, sondaı-aq bereshekti esepten shyǵarǵan jaǵdaıda salyq táýekelderin alyp tastaýdy anyqtaý usynylady. Kelesi norma jer qoınaýyn paıdalaný salasyna qatysty. 2024 jyldan bastap memlekettik balansty júrgizý toqtatylady. Qorlar jańa júıe boıynsha baǵalanady. Osyǵan baılanysty paıdaly qazbalardy óndirý salyǵyn salý obektisi ózgertilmek», dedi Á.Qýantyrov.

Mınıstrdiń sózine súıensek, túzetý­lerdiń kelesi bóligi otandyq taýar óndirý­shilerdi yntalandyrýǵa baǵyt­talǵan. Balyq aýlaý kásiporyndary balyqty óńdeý kezinde qosylǵan qun salyǵyn 70 paıyzǵa azaıtý josparda bar. Qazir mundaı jeńildikti balyq ósirýshi qojalyqtar qoldanady.

«Qant óndirisin yntalandyrý úshin shıki qant ımportyn qosylǵan qun salyǵynan bosatý, sondaı-aq qant óndirý­shiler úshin qosylǵan qun salyǵy boıyn­sha jeńildiktiń qoldanylý mer­zimi uzartylady. Kelesi norma tazar­tylǵan altyndy satýǵa qatysty. Qazir Ulttyq bankke mundaı altyndy satqanda qosylǵan qun salyǵynan bosatady. Osy norma altyndy zergerlerge de satý kezinde qoldanylady. Sondaı-aq elektr jelilerin irilendirý máselesi sheshiledi. Energııa berýshi uıymnyń elektr jelilerin óteýsiz alýy kezinde salyq mindettemeleriniń týyn­daýyn boldyrmaý usynylady.

Túzetýlerdiń tórtinshi blogi kólik júıesin odan ári damytýǵa baǵyttalǵan. Temirjol kóligi salasynda nóldik tarıfti qoldana otyryp, jolaýshylardy tasymaldaýshylarǵa magıstraldyq temirjol jelisi qyzmetterin kórsetý kezinde salyq salý máselelerin retteý kózdelgen. Azamattyq avıasııa salasynda sertıfıkattar bergeni úshin alymdardy alyp tastaý boıynsha normalar engiziledi, óıtkeni qyzmetterdi ózin-ózi qarjylandyratyn uıym kórsetedi. Sondaı-aq tranzıttik áýe kemelerine janarmaı quıý kezinde qosylǵan qun salyǵynyń nóldik mólsherlemesin qoldanýdy keńeıtý usynylady. Qazir jeńildikti tek áýejaılar qoldana alady. Avtomobıl tasymaldaryn damytý úshin shyǵarylǵan jyly 7 jyldan aspaıtyn ershikti tartqyshtardy bastapqy tirkeý úshin alymnan bosatylady», dedi vedomstvo basshysy.

Besinshi baǵyt jeke tulǵalardyń tólemderine qatysty. Tirkeý fýnksııa­syn «Azamattarǵa arnalǵan úkimet» memlekettik korporasııasyna berýge baılanysty azamattyq hal aktilerin tirkeý úshin tólemder alyp tastalmaq.

«Better sanyna baılanysty Qazaq­stan azamatynyń pasportyn berý úshin memlekettik bajdyń saralanǵan mól­sher­lemeleri, sondaı-aq balalar úshin mem­lekettik bajdy 2 esege tómendetý usynylady. Budan basqa, chek bermeý faktileri týraly habarlaǵany úshin syıaqy alý, ıpotekalyq kredıt boıynsha bereshekti esepten shyǵarý, jaldaý qunyn tómendetý jáne turǵyn úıdi jalǵa alýǵa bıýdjettik sýbsıdııalar alǵan kezdegi salyqtyq táýekelder alyp tastalady.

Altynshy blok – salyqtyq ákimshilendirý máseleleri. Memleket basshysynyń tapsyrmalaryn iske asyrý úshin tıisti saqtyq qaǵıdatyn engizý usynylady. Bıznes sýbektileri ózderiniń kontragentteriniń adaldyǵyn tekse­redi, osylaısha tıisti saqtyqty kórse­tedi. Sondaı-aq salyqtyq ákimshi­len­dirýdi ońaılatý, sondaı-aq naqtylaý jáne redaksııalyq sıpattaǵy normalar qarastyrylǵan», dedi Á.Qýantyrov.

Budan bólek, jalpy otyrys barysynda «2011 jylǵy 19 jeltoqsandaǵy Keden odaǵynyń kedendik shekarasy arqyly qolma-qol aqsha qarajatyn jáne (nemese) aqsha quraldaryn ótkizý kezinde qylmys­tyq jolmen alynǵan kiristerdi zańdas­ty­rý­ǵa (jylystatýǵa) jáne terrorızmdi qarjylandyrýǵa qarsy is-qımyl týraly shartqa ózgerister engizý týraly hattamany ratıfıkasııa­laý týraly» zań jobasy talqylandy. Bul qujat jóninde Qarjy mınıstri Erulan Jamaýbaev baıandama jasady.  Bul Hattamaǵa 2021 jylǵy 20 shildede Máskeý qalasynda qol qoıyldy.

«Hattamamen Keden odaǵynyń keden­dik shekarasy arqyly qolma-qol aqsha qarajatyn jáne (nemese) aqsha quraldaryn ótkizý kezinde qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly 2011 jylǵy 19 jeltoqsandaǵy shartty Eýrazııalyq ekonomıkalyq odaq týraly 2014 jylǵy 29 mamyrdaǵy shartqa jáne Eýrazııalyq ekonomıkalyq odaqtyń Keden kodeksi týraly 2017 jylǵy 11 sáýirdegi shartqa, sondaı-aq olarda qoldanylatyn termınologııa men uǵymdyq apparatqa sáıkes keltirý bóliginde ózgerister engiziledi», dedi E.Jamaýbaev.

Jıynda «Eýrazııalyq ekonomıkalyq odaqtyń kedendik shekarasy arqyly qolma-qol aqsha qarajatyn jáne (nemese) aqsha quraldaryn ótkizý kezinde qylmystyq jolmen alynǵan kirister­di zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl salasynda aqparat almasý týraly kelisimdi ratıfıkasııalaý týraly» zań jobasy maquldandy. Mınıstr E.Jamaýbaevtyń aıtýynsha, Kelisimge 2021 jylǵy 20 shildede Máskeý qalasynda qol qoıylǵan.

«Osy Kelisimdi ázirleýdiń maqsaty – jeke tulǵalardyń qolma-qol aqsha qarajatyn Eýrazııalyq ekonomıkalyq odaǵynan shetelge ótkizý boıynsha aqparat almasý. Kelisimde kedendik Eýrazııalyq ekonomıkalyq odaq arqyly qolma-qol aqsha qarajatyn jáne (nemese) aqsha quraldaryn ótkizý kezinde ózara is-qımyl jáne aqparat almasý tártibi aıqyndalǵan.

Aqparattyq ózara is-qımyl Eýrazııa­lyq ekonomıkalyq odaqqa múshe bir mem­le­­kettiń ýákiletti, quqyq qorǵaý jáne keden organdarynyń ekinshi múshe-mem­le­kettiń jaýapty organyna suraý salý­lary boıynsha júzege asyrylady. Alma­sý jolaýshylardyń kedendik dekla­ra­sııasynda jáne taýarlar deklarasııasyn­da jeke tulǵa málimdegen aqparat usynylady.

О́zara is-qımyl jasaý tártibinde suraý salýdyń mazmuny, ony oryndaý merzimderi, oǵan qol qoıýǵa ýákiletti laýazymdy tulǵalar, sondaı-aq suraý salýdy oryndaýdan bas tartý múmkin jaǵdaılary kózdeledi. Kelisimde ózara is-qımyl jáne aqparat almasý sheńberinde alynǵan aqparattyń qupııalylyǵy, ony qorǵaý, saqtaý jáne joıý týraly normalar, sondaı-aq mundaı aqparat ruqsatsyz taratylǵan jaǵdaıda múshe memleketter qabyldaıtyn sharalar qamtylady», dedi Qarjy mınıstri.

Sondaı-aq jalpy otyrys barysynda Jetinshi saılanǵan Májilis ókilettikterin iske asyrýdyń úshinshi sessııaǵa arnalǵan negizgi is-sharalar jospary týraly baıan­daldy.

Budan bólek, Májilis birqatar zań jobasyn jumysqa aldy. Jalpy otyrys sońynda depýtattar tıisti memlekettik organdar basshylaryna depýtattyq saýal­daryn joldady.