Sport • 22 Qyrkúıek, 2022

Tashkentte tatamıge kimder shyǵady?

53 ret kórsetildi

6-12 qazan kúnderi О́zbekstannyń bas shahary – Tashkentte dzıýdodan erler men áıelder arasyndaǵy álem chempıonatynyń jalaýy jelbireıdi. Tórtkúl dúnıeniń eń myqty balýandary bas qosatyn baıraqty básekede Qazaq eliniń namysyn kimderdiń qorǵaıtyny belgili boldy.

Qazaqstannyń erler qura­masynyń bas bapkeri Nur­bol Súleımenov toǵyz shákir­tine senim artty. 60 kılo salmaqta Eldos Smetov tatamıge shyǵady. Ulttyq ko­mandamyzdyń sapyndaǵy eń ataqty balýanymyz sońǵy kezderi 66 kılo salmaq dáre­jesinde óner kórsetkeni málim. Biraq joly bolmaı, jaýapty jarys­tarda jeńilistiń kermek dámin tatty. Sodan federasııa basshylyǵy jáne jeke jattyqtyrýshysy Ǵalymjan Jylkel­dıevpen aqyldasa otyryp, úırenshikti salmaǵyna qaıta oraldy.

Al buǵan deıingi álem chem­pıonattarynda ol eki ret jeńis tuǵyryna kóte­rilgen edi. Atap aıtsaq, 2015 jyly Asta­nada altyn alsa, 2019 jyly Tokıoda qola medal­dy moınyna ildi. Odan bó­lek, Smetovtiń Olımpııa oıyndarynyń kúmis pen qola júldegeri, Azııa oıyndarynyń jeńimpazy jáne qurlyq chempıony degen ataqtary taǵy bar.

Eldospen birge bul salmaqta Maǵjan Shamshaddın de kúsh synasady. Osydan birer jyl buryn jastar arasynda álem chempıony atanǵan qandasymyz eresekter dýynda birazǵa deıin aıshyqty ónerimen kózge túse almaı júrgen edi. Desek te keıingi jyldary ol óz kúresin tapqan sekildi. Byltyr Maǵjan Býdapeshttegi dúnıejúzilik dodada jeńis tuǵyryna synyq súıem qalǵanda súrinip, be­sinshi oryndy qanaǵat tut­ty. Bıyl Zagrebte ótken Grand Slam týrnırinde bas júldeni oljalap, Astanada uıymdastyrylǵan Azııa chempıonatynda qola medaldy qorjynǵa saldy.

66 kılo salmaqtaǵy Gus­man Qyr­ǵyzbaev byltyr Majarstannyń astanasynda shymyldyǵy túrilgen álem chempıonatynda qazaqstandyq dzıýdoshylar arasynan jalǵyz ózi júlde aldy. Aqtyq synǵa deıin alqynbaı jetip, fınalda reseılik Iаgo Abladzege ese jiberdi. Býdapeshttegi kúmisten bólek, Ǵusmannyń enshisinde qurlyq birinshiliginiń qos qola medali bar.

73 kılo salmaq dárejesinde Danııar Shamshaev óner kór­setedi. Bıylǵy jyldyń tamyz aıynda Astanada ótken qurlyqtyń basty dodasynda Danııar dara talantymen oqshaýlandy. 18 jastaǵy daryndy balýan eresekterdiń Azııa chempıonatyna alǵash ret qatysqanyna qaramastan, barlyq qarsylasyn aıqyn basymdyqpen jeńdi. Bastapqy báseke­lerinde úndistandyq Sýresh Sıngh pen tájikstandyq Behrýz Hodjazodany nebári 42 sekýndta jeńdi. Jartylaı fınalda bıyl ǵana jastar ara­syndaǵy Azııa chempıonatynda top jarǵan qyrǵyzstandyq Shyńǵyshan Saǵynalıevti 31 sekýndta san soqtyrdy. Fı­nalda Danııardyń joly О́zbekstannyń tanymal balýany, Lıssabondaǵy Gran-prı týrnıriniń jeńimpazy Mýrodjon Iýldashevpen qı­ysty. Bul básekede ol qar­sylasyn 34 sekýndta-aq alyp urdy. Osylaısha, Shamshaevqa Azııa chempıony ataný úshin bar-joǵy 149 sekýnd jetkilikti boldy.

81 kılo salmaqta Aby­laıhan Juba­nazar kúresse, 90 kılo salmaqta Dıdar Hamza saıysqa túsedi. Jıyrmadan endi ǵana asqan shaǵynda Azııa oıyndarynda altyn alyp, odan keıin birqatar asa iri halyqaralyq týrnırde atoı sal­ǵan Dıdar keıingi kez­deri úkili úmiti­mizdi aqtaı al­maı júr. Byltyr Tokıo Olım­pıadasynyń alǵashy aınaly­mynda súringennen keıin ol salmaǵyn aýystyrýdy jón kórdi. Bastamasy jaman emes. Bıyl Hamza qurlyq birin­shi­liginiń qola medalin moınynda jarqyratty.

100 kılo salmaqta Islam Bozbaevqa senim artylyp otyr. Azııa oıyndary men Azııa chempıonatyn qosa alǵanda, bes ret jeńis tuǵyryna kóterilgen Islamnyń basqa da jaýapty jarystarda jeńip alǵan júldeleri jeterlik. Biraq Olım­pııa oıyndary men álem­dik dodalarda onyń asyǵy alshysynan túser emes. Ol da bıyl salmaǵyn aýystyrýdy qup kórgen eken. Bálkim, Tashkentte Bozbaevtyń baǵy janar. Osy salmaqta Is­lammen birge Nurlyhan Shar­han da kúsh synasady. Onyń qandaı qarýly jigit ekenin bıylǵy Azııa chempıonaty barysynda anyq baıqadyq. Elordada ótken dodada ol ózinen áldeqaıda tájirıbeli ári ataqty qarsylastaryn jolynan yǵystyryp, qola medaldy enshiledi.

Al asa aýyr salmaqta Qazaqstanda básekelestik múl­dem joq. Sonyń kesiri­nen dúbirli dodalarǵa kimderdi apar­saq ta, alǵashqy aınalym­darda súrinýde. Bul joly bapkerlerdiń tańdaýy tá­jirıbeli Erasyl Qajybaevqa túsip otyr. Sal­ma­ǵy 150 kılo tartatyn qazaqtyń alyby Tash­kentte óz jankúıerlerin jerge qaratpaıdy degen oıdamyz.

Áıelder arasyndaǵy jarysta Qazaq eliniń namysyn segiz dzıýdoshy qorǵaıdy. Olar – Ábıba Ábýjaqynova (48 kılo), Gaýhar Irmaǵambetova (52 kılo), Se­vara Nyshanbaeva (57 kılo), Móldir Narynova men Esmıgúl Kýıýlova (63 kılo), Anastasııa Maıakova (70 kılo), Arý­na Jangeldına (78 kılo) jáne Kámı­la Berliqash (+78 kılo).

Sońǵy jańalyqtar

Messı jeńiske jeteleı almady

Fýtbol • Búgin, 07:35

Shırek fınalǵa ótti

Tennıs • Búgin, 07:33

Tórtinshi orynǵa turaqtady

Tennıs • Búgin, 07:32

Jýrnalıster arasyndaǵy jarys

Qoǵam • Búgin, 07:30

Júldeniń aýyly alys emes

Sport • Búgin, 07:28

Shırek fınalǵa shyqqandar belgili

Sport • Búgin, 07:27

Barymtaǵa – «qarymta»

Qoǵam • Búgin, 07:25

Asyq atýdan álem chempıony

Ulttyq sport • Búgin, 07:24

Úzdik pedagogke – jeńil kólik

Bilim • Búgin, 07:22

Adam kapıtalyn arttyrýǵa arnalady

Ekonomıka • Búgin, 07:20

Jańa qundylyqtar – bılik ózegi

Pikir • Búgin, 07:18

Jańa reformaǵa senim zor

Pikir • Búgin, 07:16

Kóptiń kókeıindegini dóp basty

Pikir • Búgin, 07:15

Jol jaqsarmaı, is ońǵarylmaıdy

Pikir • Búgin, 07:13

Úmit sózi

Pikir • Búgin, 07:12

Bul – bolashaqtyń tańdaýy

Pikir • Búgin, 07:08

Ashyqtyqty arttyratyn ıgi ister

Qazaqstan • Búgin, 07:05

Quqyq ústemdigi – kelisim kepili

Qazaqstan • Búgin, 07:03

Judyryqtaı jumylý eldi jigerlendiredi

Saıasat • Búgin, 07:02

Erteńimiz úshin utymdy sheshim

Saıasat • Búgin, 07:00

Alashtyń aq joly ardaqtaldy

Saıasat • Keshe

Kemedeginiń jany bir...

Saıasat • Keshe

Kásip kózi – násip kózi

Ekonomıka • Keshe

Tuńǵysh tóraǵanyń toıy

Qazaqstan • Keshe

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar