Qazaqstan • 26 Qyrkúıek, 2022

Pavlodarda respýblıkalyq dinı konferensııa ótti

74 ret kórsetildi

Búgin Pavlodar qalasynda «Din men dástúr – halyq qazynasy» respýblıkalyq konferensııasy ótti, dep habarlaıdy Egemen.kz.

Konferensııaǵa QMDB Tóraǵasy, Bas múftı Naýryzbaı qajy Taǵanuly, Pavlodar oblysy ákiminiń orynbasary Aızada Amangeldiqyzy, QMDB Aqsaqaldar keńesiniń múshesi Jabal Erǵalıev, belgili dintanýshy Keńshilik Tyshqan, Nur-Múbarak ýnıversıtetiniń prorektory Qaırat Qurmanbaev jáne jergilikti ımamdar qatysty.

Jıyn Quran oqýmen bastalyp, Dinı basqarmanyń bıylǵy jyly atqarǵan aýqymdy jumystary jaıly beınerolık kórsetildi.

QMDB Tóraǵasy óz sózinde din men dástúrdiń mánine toqtalyp, konferensııanyń mańyzyn aıshyqtap berdi.

«Din men dástúr – qashan da bir-birimen sabaqtas uǵym. Ekeýi egiz taqyryp desek te bolady. Qazaqtyń bir dástúriniń túbin qazsań dinge kelip tireledi. Dástúrdiń ozyǵy bar, tozyǵy bar dep jatamyz. Biraq salt-dástúr – este joq eski zamannan kele jatqan babalardan qalǵan baǵzy jol. «Ýyqty basqur saqtaıdy, ultty dástúr saqtaıdy» deıdi dana halqymyz. Qazaq halqynyń salt-dástúrleri men ádep-ǵuryptary halyqtyń turmysyna, tárbıesi men minezine, senimine qaraı qalyptasty. Búgingi tańdaǵy basty másele – halyqtyń asyl qazynasyn jastardyń boıyna sińire bilý, rýhanı baılyǵynan sýsyndatý, salt-dástúrin, tilin, dinin, dilin úıretý, boıyna darytý», dedi  Naýryzbaı qajy Taǵanuly.

P

Ol sondaı-aq múftııattyń osy baǵyttaǵy jumystaryna da toqtalyp ótti.

«Bul rette Qazaqstan musylmandary dinı basqarmasy jumysyn jeti baǵytqa bóldi. Sol jeti baǵyttyń biri de biregeıi – din men dástúr baǵyty. Endigi maqsat – asyl dinimiz Islam men babalar ustanǵan salt-dástúrlerimizdi halyqqa keńinen nasıhattaý, din men dástúrdiń sabaqtastyǵyn keler urpaqqa jetkizý, dástúrdi dáripteý arqyly jat aǵymnyń arbaýyna ilikken jastardy durys jolǵa baǵyttaý. Dástúrdiń dindegi orny, ǵurypty dálel retinde qarastyrý, ǵuryptyń sharıǵattaǵy sharttary, ulttyq sana syndy máseleler ýaǵyz taqyryptaryna arqaý bolmaq.

Qazaq halqynyń ǵasyrlar boıy ustanyp kele jatqan dini – Islam. Al dinı dúnıetanymdyq ustanymy Islamnyń negizgi qaınar bulaǵy Quran men ardaqty Paıǵambarymyzdyń (oǵan Allanyń salaýaty men sálemi bolsyn) súnnetine negizdelgen. Endeshe, din men dástúr úndestigin saqtaý – búgingi urpaqqa júktelgen úlken mindet. Bul eki asyl qazynamyzdy qadir tutsaq, tarıhymyz ben mádenıetimizdi ulyqtaǵan, ata-babalar qaldyrǵan uly amanatty saqtaǵan bolamyz», dedi Bas múftı.

Konferensııada sóz alǵan oblys ákiminiń orynbasary Aızada Amangeldiqyzy aımaqtaǵy din men dástúr baǵytynyń damýyna toqtalyp, jat aǵymnan saqtaný joldaryn atady.

Is-sharada baıandama jasaǵan memleket jáne qoǵam qaıratkeri Jabal Erǵalıev ulttyq bolmysty saqtaý, dástúrge berik bolý, qazirgi ózgeriske ushyraǵan kóne dástúrdi jańǵyrtý jaıyna kóńil aýdardy.

QMDB Sarapshylar keńesiniń múshesi Keńshilik Tyshqan Alashorda tusyndaǵy dástúrdiń dáriptelýi, Máshhúr Júsip Kópeıuly, Shákárim Qudaıberdiuly eńbekterindegi din men dástúrdi keńinen zerdeledi.

M

Al Qaırat Qurmanbaev, Sansyzbaı Qurbanuly, Aıtmuhammed Turyshov, Dýman Saıfolla qazirgi zamanaýı qoǵamdaǵy dástúrdiń mańyzy, ǵuryptyń máni, tarıhı sanany jańǵyrtý jaıyna toqtaldy.

I

Sońǵy jańalyqtar

Konstıtýsııalyq mártebe berildi

Qazaqstan • Búgin, 01:05

Zamanaýı ózgeris eskerilýi tıis

Qoǵam • Búgin, 00:54

Bloger jýrnalıst emes!

Qoǵam • Búgin, 00:52

Jol salasyndaǵy júgensizdik

Qoǵam • Búgin, 00:07

Sot júıesin jetildirý

Saıasat • Búgin, 00:06

Maqtashylardyń muńy

Ekonomıka • Keshe

Ýaqyt talaby

Qoǵam • Keshe

Qazandyq aqaýy túzetile me?

Aımaqtar • Keshe

Armandar oryndalady

Qoǵam • Keshe

Qoǵamdyq keńes quryldy

Qoǵam • Keshe

Esirtkige qarsy aksııa

Elorda • Keshe

Ulylar qorymyn nege umyttyq?

Rýhanııat • Keshe

Keıipkerin izdegen jazýshy

Ádebıet • Keshe

Kúresker Geıne

Ádebıet • Keshe

Ajaldy jeńgen Aspan

Ádebıet • Keshe

Aǵash kósheti egildi

Aımaqtar • Keshe

Uqsas jańalyqtar