Komıtettiń málimetinshe, 1988 jyly týǵan Artem Kazansev - Ijevsk mektebiniń túlegi.
Ol mektepke qarý kirgizip atys shyǵarǵannan keıin ózine qol jumsady.
«Aldyn ala aqparat boıynsha onyń nasıstik sımvolıka men qara balaklava kıgeni anyqtaldy. Oqıǵa ornynda qylmyskerdiń qujattary tabylǵan joq», delingen Reseı SK baspasóz qyzmeti taratqan habarlamada.
Eske sala ketsek, búgin Ijevsk mektebine qarýly adam kirip, atys uıymdastyrǵan.
«Jantúrshigerlik oqıǵada 13 adam qaıtys boldy, onyń jeteýi - kámelet jasyna tolmaǵan balalar. Sondaı-aq 14 bala jáne 7 eresek adam jaraqat alǵan. Qaza tapqandar men jaralanǵandar týraly aqparat áli de naqtylanýda», dep qosty vedomstvo.
