Qaýipsizdik qyzmetindegi qyraǵy ıtter

IIM Kınologııa ortaly­ǵy­nyń basshysy, polısııa pol­kov­nıgi Nusqabek Zaýlanbaev qyz­met túrine qaraı ıtter kúdikti adamdardy, esirtki, jarylǵysh zat­tar men shabýyldaýshylardy izdeýshi ıtter bolyp bólinetinin aıtady. Spıker qylmysty ashýda qyzmettik ıttiń róli kún sa­ıyn artyp kele jatqanyn naq­ty de­rektermen dáıekteı kele: «Elimizde sońǵy 8 aıda iz­des­tirý ıtteriniń qatysýymen 4292 qylmystyń beti ashylsa, onyń 618-i esirtki qylmysy. Osy­laı­sha, 355 kılo esirtki zattary tár­ki­lenip alyndy. Onyń 6 kılo 130 gram­my sıntetıkalyq zattar», dedi.

Kınologııa ortalyǵynyń basshysy bıyl tamyz aıynda Almaty oblysynda ótken «Qa­ra­­sora» jedel aldyn alý is-sha­rasy aıasynda ıisshil ıttiń arqasynda 290 gramm geroın tabylyp, tárkilengenin de mysalǵa keltirdi. Ortalyq qyz­metkeri ıtterdiń adamdy ıisi, izi arqyly tabýǵa jáne ja­rylǵysh zattar men esirtki qural­daryn izdeýge qalaı úıre­tiletinin túsindirip ótti. It­ter­diń keremet ıis sez­gish­tik qasıeti odorologııalyq sáı­kes­ten­­dirýge, ıaǵnı ıisterdi tek­se­rýge múmkindik berip, qyl­mys­tardyń izin sýytpaı ashýǵa sep­te­sip otyrǵanyn da aıtty.

«Kınologııa ortalyǵy ıt­ter­di qyzmet etýge mashyq­tan­dy­ryp qana qoımaı, kınolog mamandardy da oqytady. Almaty qalasynyń Túrksib aýdanynda ornalasqan ortalyqta qyzmettik ıtterdi sapaly daıyndaý úshin barlyq jaǵdaı jasalǵan. Jaqsy materıaldyq-tehnıkalyq baza quryldy, munda belgııalyq, ne­mis jáne shyǵys eýropalyq ıtter ósiriledi. Jyl saıyn qylmyspen kúres jáne qoǵamdyq tártipti qorǵaýdy jú­zege asyratyn 50-ge jýyq qyz­mettik ıt daıyndalady. So­ny­men qatar oqytý kýrsynan 150-den astam kınolog pen sonsha ıt daıyndyqtan ótedi», deıdi Nusqabek Zaýlanbaev.

Arnaıy daıyndyq bólim­she­siniń aǵa jedel ýákili, polısııa kapıtany Rýslan Qanafın orta­lyq­qa pogon taqqan kınologter ar­naıy oqý-jattyǵýdan ótý úshin óz ıtterimen birge keletinin aıtady. «Bastapqyda barlyq ıt synaqtan ótedi, basqa tilmen aıtqanda, ıtterdiń «talanttary» bel­gili bir baǵytta anyqtalady», deıdi nusqaýshy.

«Bul rette barlyq ıt áleý­mettený men beıimdelýden óte­di, óıtkeni olar Almatyǵa klı­mattyq jaǵdaıy basqa ózge óńirlerden de keledi. Sonymen qatar kınologter aldymen ıtter aýyrǵan jaǵdaıda kórsetiletin medısınalyq kómek kórsetý kýrs­tarynan ótedi. Sondaı-aq kınologter ıtterdi oqytý taktıkasyna, minez-qulqyn tem­pe­ramentin ajyrata bilýge daǵdylanyp, kýrs sońynda sy­naq tapsyrady», deıdi Rýslan Qanafın.

Polısııa kapıtany úıretilgen ıtter esirtkimen «tamaq­tan­dy­ry­la­dy» degen ańyzdardy joqqa shyǵardy. Barlyq oqý-jattyǵý belgili bir ádiske negizdelgen. Dámdi tazartý, oıyn ádisi, basý ádi­si jáne basqa da túrleri bar. Ke­ńinen taraǵan ádis – dop qol­daný oıyny.

О́ńirlik kommýnıkasııalar qyz­meti alańynda BAQ ókil­de­rine belgııalyq tóbet Astra týra­ly beınebaıan kórsetildi. Asyl tu­qym­dy ıtter pıtomnıgi bas­ty­ǵy­nyń mindetin atqarýshy, polısııa aǵa leıtenanty Ashat Alnur óz qamqorlyǵyndaǵy tóbettiń ja­ryl­­ǵysh zatty qalaı izdeıtinin kór­setti.

Mamandar BAQ ókilderiniń suraqtaryna jaýap bere otyryp, bar­lyq qyzmettik ıt qor­shal­ǵan arnaıy aımaqta usta­la­ty­nyn, úı janýarlaryn kúnine 2 ret qurǵaq jemmen asyraıtyndaryn aıtty. Kınologterdiń aıtýyn­sha, qyzmettik ıtter 8 jyldan ke­ıin «zeınetke» shyǵady. «Biraq tó­bet­terdiń densaýlyǵy odan ári qyz­met etýge jarasa, merzim 10 jylǵa deıin sozylýy múmkin», deıdi ortalyq qyzmetkerleri.

ALMATY