Táýelsiz Qazaqstannyń tarıhynda Prezıdent óziniń elektoraldyq sıklin alǵash ret aldyn ala jarııa etti. Iаǵnı, birinshi qyrkúıektegi Joldaýynda atap ótti. Bul saıası pikir alýandyǵy men demokratııanyń barlyq ustanymdaryna sáıkes keledi. О́ıtkeni saıası partııalarǵa birinshi qyrkúıekten bastap 2023 jyly ótetin Parlament saılaýyna, 20 qarashada ótetin prezıdent saılaýyna aldyn ala daıyndalýǵa, kandıdattaryn usynýǵa, jalpy saılaýaldy naýqanǵa daıyndalýǵa múmkindik berip otyr. Qazirgi kúrdeli geosaıası jaǵdaıda ishki saıası jáne áleýmettik-ekonomıkalyq jaǵdaıdyń turaqtylyǵyn qamtamasyz etý asa mańyzdy.
Bul jolǵy saılaýdyń taǵy bir ereksheligi – prezıdenttiń ókiletti aıtarlyqtaı qysqarǵan kezde, jańa jaǵdaıda ótedi. Endi prezıdent qandaı da bir partııaǵa múshe bola almaıdy, tek bir merzimge saılanady jáne qaıta saılanýǵa quqyǵy joq.
Prezıdenttiń 7 jyldyq ókilettik merzimi nesimen tıimdi degen máselege keletin bolsaq, birinshiden, syrtqy geosaıası ahýaldy eskere otyryp, eldegi transformasııalyq úderisterdiń qarqynyn báseńdetpeı júzege asyrý úshin qajet. Ekinshiden, osy aralyqta ekonomıkany turaqty damytýdy, halyqtyń ál-aýqatyn arttyryp, turmys sapasyn jaqsartýdy kózdeıtin uzaq merzimdi mindetterdi tıimdi iske asyrýǵa múmkindik mol. Iаǵnı óziniń biliktiligi men áleýetin kórsetip, alǵa qoıǵan josparyn tııanaqty atqaryp shyǵýǵa bul merzim tolyq jetkilikti. Negizi, Ádiletti Qazaqstan qurý jolyndaǵy eń basty qadamdardyń biri osy dep sanaımyn.
Rımma BEKTURǴANOVA,
Qostanaı oblysy áıelder kúshteri alıansynyń tóraǵasy
