Akademık-matematıktiń esimi berildi

Saltanatty is-sharada Ál-Farabı atyn­da­ǵy Qazaq ulttyq ýnıversıtetiniń profes­sory Muratqan Daýylbaev sóz alyp, Senat depýtaty Baqytjan Jumaǵulovtyń quttyqtaý hatyn oqydy. Odan keıin kórnekti ǵalym Nazarbaı Bilıev, Ulttyq ǵylym akademııasynyń aka­demıgi Muhtarbaı О́telbaev, Abaı atyndaǵy Qazaq ulttyq ýnıversıtetiniń birinshi prorektory Maqtaǵalı Bektemisov sóz alyp, Quljabaı Ábdiqalyqulynyń memleketshil perzent bolǵanyn, ómirden ótse de, sońynda aıta júretin shejirege aınalǵan kóp syrlary, ǵajaıyp isteri qalǵanyn áńgimeledi.

О́z kezeginde áıgili matematıktiń jubaıy Batıma Chasakbaı bolashaq urpaq úshin emirene eńbek etken asyl jan máńgi umytylmaıtynyn sóz etip, ultyn sheksiz súıgen azamattyń ómirinen tebirenisti estelikter aıtty. Sóz sońynda mektep atyn berýge muryndyq bol­ǵan jandarǵa alǵysyn bildirdi.

Jıyn sońynda Quljabaı Qasymov atyn­daǵy №28 IT mektep-lıseıiniń mańdaı­shasy saltanatty túrde ashylyp, qonaqtar bilim ordasynyń ishin aralady.

Aıta keteıik, Quljabaı Ábdiqalyquly 1935 jyly 25 qyrqúıekte burynǵy Taldy­qorǵan oblysynyń Kóksý aýdanynyń Ta­lap­ty aýylynda týǵan. Eńbekqor jan dıf­ferensıaldyq teńdeýler salasynda mate­ma­tı­kalyq mektep quryp, ujymnyń ǵylymı jumysyna basshylyq jasaǵan. Sıngýlıarly aýytqyǵan teńdeýlerdiń, asımptotıkalyq teorııanyń áıgili mamany retinde álem ǵalymdaryna tanyldy. Tanymal matematık 3 doktorlyq, 50-den astam kandıdattyq dıssertasııaǵa jetekshilik etken.

Jetisý oblysy