Aımaqtar • 03 Qazan, 2022

Saýdagerlerdiń shyǵynyn kim óteıdi?

390 ret kórsetildi

Kóne shahardaǵy jańa bazarda ala tańnan órt shyqty. Saldarynan otyzǵa jýyq nysan tilsiz jaýdyń qursaýynda qalyp, saý-tamtyǵy qalmaı janyp ketti. Derekterge sensek, órt 600 sharshy metr aýmaqqa deıin jetken. Shyǵynǵa batyp shyryldaǵan halyq oblystyq ákimdiktiń aldyna kelip, óńir basshysymen kezdespek boldy. Jan baǵyp otyrǵan kásibinen qas pen kózdiń arasynda aıyrylyp qalǵan jurt shyǵyndy kim óteıtinin bilgisi keledi.

О́ńirdi Qanat Bozymbaev basqarǵan jyldary orta­lyq­taǵy «Kók bazar» joıylyp, ornyna qalanyń shetki jaǵynan kóp bazar paıda bol­ǵan edi. Kóp bazardyń ishin­de dál osy «Aýyl be­re­keniń» asyǵy alshydan tús­ti desek, qatelespeı­miz. Saý­da­gerler de, halyq ta osyn­­da aǵylyp jatty. Ja­ńa bazardy jaǵalaǵan jurt taba­nynan taýsylyp nápa­qasyn taýyp júrdi. Sol bazardan qyrkúıektiń sońǵy kúni tańǵy 8-der shamasyn­da órt shyqty. О́rtti són­dirýge óńirdegi Tótenshe jaǵ­daılar departamentiniń 56 qyzmetkeri men 13 tehnıkasy jumyldyrylǵan.

Yzaǵa býlyqqan saýdagerler oblys ákimdiginiń aldy­na kelip, óńir basshysy Nur­jan Nurjigitovpen júzdesý­di talap etti. Tús ále­tinde kel­gen halyqtyń bazyna­sy kim-kimdi de oılandyrmaı qoımaıdy. Tabysynan qa­­ǵylǵan buqaranyń kóńili alań­daýly. Júzderinen «Endi qaıtemiz?» degen saýaldyń tabyn ańǵarý qıynǵa soqpaıdy.

«Bazar ishindegi ashanaǵa qarama-qarsy tusta ájetha­na ornalasqan. Qaýipsizdik ere­jeleri, sanıtarlyq nor­ma nege saqtalmaıdy? Eger barlyq talap oryndal­ǵanda taýarymyz órtenip ketpes edi. Bir adamnyń kesi­rinen qanshama saýdager zar­dap shegip otyr. Bizdiń janaı­qaıymyzdy estıtin adam bar ma? Bazar basshylyǵy bizge jaýap bersin. Jergilikti atqa­rýshy bılik máseleni tııa­naqty qaraýǵa yqpal etsin. О́ıtkeni bizdiń kúnkórisi­miz saýdamyzǵa baılanys­ty», deıdi shyǵynǵa batqan saýda­gerlerdiń biri Lázzat Seısenbekova.

Aıqaıǵa basqan saýdager­lerdiń janaıqaıy túsinik­ti. Kúndelikti tabysynan qa­ǵylǵan halyq úshin másele edel-jedel sheshimin tapqa­ny, ótemaqynyń der kezin­de tólengeni kerek. Álbette, bul oqıǵada kimniń aıypty, kimniń jazaǵa laıyqty eke­nin arnaıy qurylǵan jumys toby pen quzyrly organ­dar anyqtaı jatar. Al halyq ýshyqqan máseleniń ońtaıly sheshimi uzaqqa sozylmaǵanyn qalaıdy.

Toptanyp júrgen saýda­gerlerdiń aıtar ýájderi eki bastan belgili. Olar áýelden-aq órttiń shyǵýyna bazar basshylyǵyn aıyptap, dá­ıek­terin de alǵa tartty. Al «Aýyl bereke» bazarynyń bas­shysy Danııar Segizbaev: «О́z tarapymyzdan barlyq saq­tandyrý sharasyn qa­byl­daǵanbyz. Der kezinde ja­ryqty sóndirip júrmiz», deıdi. Onyń aıtýynsha, órttiń tutanýyna sebepshi bolǵan ashana jumysy talapqa saı kórinedi.

Oblys ákiminiń birin­shi oryn­basary Nurjan Kalen­­derovtiń aıtýynsha, órt­­tiń shyǵýyna kináli ta­rapty anyqtaý prosesi uzaqqa sozyl­maıtyn kórinedi. Alaıda ótkir másele naqty qansha kúnde ońynan sheshiletinin eshkim tap basyp aıta almady.

«О́zderińiz aıtqandaı, eger órttiń tutanýyna bazar bas­shylyǵy kináli bolsa, shyǵyndaryńyzdy óteý bazar basshylyǵynyń moınyna júkteledi. Bul baǵyttaǵy jumysty arnaıy qurylǵan jumys toby júzege asyrady. Menińshe, máseleni zerdeleý­ge asa kóp ýaqyt ketpeýi ke­rek», dedi jaǵdaıdy túsindir­gen N.Kalenderov.

Bazardaǵy órttiń shy­ǵý sebebin anyq­taý maqsa­tyn­­da qurylǵan arnaıy top­­qa jumysty jedeldetý tap­syrylǵan. Top qura­myna zardap shekken saýdagerler­diń ókilderi de enbek. Ju­mys toby birinshi ke­zekte shy­ǵynnyń jalpy somasyn anyq­taýdy qolǵa alady. Álbette, bul má­sele boıynsha jumysty jedel júr­gizý tapsyrylǵanymen oqıǵa­nyń anyq-qanyǵyn anyqtaý úshin birshama ýaqyt qajet. Al órtten zardap shekken saýdagerler shyǵyndy naqty kórsetý úshin tıisti qu­jat­taryn usynýlary kerek.

 

Taraz

Sońǵy jańalyqtar

Ile-Balqashtaǵy qulan úıiri

Qazaqstan • Keshe

Ekibastuz eleń-alańy basyldy

Aımaqtar • Keshe

Úzdikter iriktele bastady

Fýtbol • Keshe

Beısen Quranbek týrnıri

Qoǵam • Keshe

Eriktiniń eńbegi eren

Qoǵam • Keshe

Shertpe kúıler sherýi

О́ner • Keshe

Aqqan juldyz izimen

Tanym • Keshe

Sahnaǵa adaldyq

О́ner • Keshe

Uqsas jańalyqtar