«6 qazanda Qazaqstan men Grekııa arasyndaǵy dıplomatııalyq qarym-qatynastyń ornaǵanyna 30 jyl tolady. Osy kezeńde elder teńdik pen syılastyq qaǵıdattaryna negizdelgen senimdi jáne ózara tıimdi yntymaqtastyq ornatty. Astana men Afına álemdik saıasattyń kóptegen ózekti máseleleri boıynsha uqsas ustanymdardy ustanady jáne ártúrli halyqaralyq uıymdar aıasynda bir-birin belsendi túrde qoldaıdy», dedi Syrtqy ister mınıstrliginiń resmı ókili Aıbek Smadııarov.
Vedomstvonyń resmı ókiliniń aıtýynsha, Qazaqstan men Grekııa ekonomıkalyq saladaǵy qarym-qatynastardy damytýǵa erekshe mán beredi. Qolda bar múmkindikterdi tıimdi júzege asyrý úshin Ekonomıkalyq jáne tehnologııalyq yntymaqtastyq jónindegi úkimetaralyq komıssııa, sondaı-aq Qazaqstan-Grekııa Iskerlik keńesi jumys isteıdi.
«Sońǵy jyldary elder arasyndaǵy taýar aınalymy qarqyndy ósýde. Osy jyldyń jeti aıynda ol 1 mıllıard AQSh dollarynan sál asady, bul ótken jylǵy kórsetkishpen salystyrǵanda 40 paıyzǵa artqanyn kórsetedi», dedi A.Smadııarov.
