Atalǵan saıys balalar jylyna oraı Astana qalasy ákimdiginiń qoldaýymen qalalyq Dene shynyqtyrý jáne sport basqarmasynyń uıytqy bolýymen uıymdastyryldy. Saıysqa Astana qalasynyń barlyq nıet bildirgen otbasylary qatysty.
Jarys eki sport túrinen úsh qashyqtyqta ótkizildi. Eńseretin qashyqtyqtyń jalpy uzyndyǵy 4,5 shaqyrymdy qurady.
«OTBASY DUATLON 2022» jarysy dástúrge aınaldy. Bıyl altynshy ret ótkizip otyrmyz. Jarysqa qatysýǵa nıet bildirgen otbasylar edáýir artty. Keler jyly 5-6 jastaǵy balalardy qospaqshymyz. Jarysqa qatysýǵa ótinimder aldyn ala elektrondy túrde qabyldandy, mindetti túrde shlem men dárigerdiń ruqsaty bolýy kerek. Jalpy, bıylǵy dýatlonda balalar úshin úsh sanat – 8-9, 10-11 jáne 12-13 jas belgilendi. Otbasylyq saıystyń alǵashqy bóliminde jalpy uzyndyǵy 4,5 shaqyrym qashyqtyqqa – aldymen 2,1 qashyqtyqqa ákeler júgirdi, odan ári estafetany velosıpedke mingen analar aldy. Jarysty balalar márege deıin 200 metr júgirýmen aıaqtady», deıdi Astana qalasynyń Dene shynyqtyrý jáne sport basqarmasynyń basshysy Samat Jylqybaev.
Barlyq otbasyǵa qatysqany úshin fınıshorlyq medaldarmen GALANZ bottlers kompanııasy usynǵan Sevens sýy tabystalyp, jeńimpazdar I, II, III oryn dıplomdarymen jáne baǵaly syılyqtarmen, ıaǵnı ár jeńimpaz komanda múshelerine teledıdar, mıkrotolqyndy pesh, shańsorǵysh, termopot, smartfon, smart saǵat, velosıped sekildi baǵaly syılyqtar tabystaldy.
Jeńimpazdardy marapattaý jáne quttyqtaý saltanaty lotereıa utysymen jalǵasty. Jarysqa qatysýshylar arasynda tirkeý nómirleri boıynsha lotereıada 10 velosıped pen Qazaqstan boıynsha eń dámdi DODO meıramhanasynan arnaıy sertıfıkattar oınatyldy.
