Parlament • 04 Qazan, 2022

Máýlen Áshimbaev Jas sarapshylar klýby múshelerimen kezdesti

53 ret kórsetildi

Senat Spıkeri Máýlen Áshimbaevtyń tóraǵalyǵymen Palata janyndaǵy Jas sarapshylar klýbynyń kezekti otyrysy ótti. Otyrys barysynda qatysýshylar Memleket basshysynyń Joldaýyndaǵy áleýmettik-ekonomıkalyq basymdyqtardy talqylap, olardy iske asyrýǵa arnalǵan usynystaryn ortaǵa saldy. Is-sharaǵa elimizdiń ulttyq ekonomıka mınıstri Álibek Qýantyrov qatysty, dep habarlaıdy Egemen.kz.

Otyrysty ashqan Senat Tóraǵasy jeke kásipkerlik bastamalardy yntalandyrý, básekelestikti damytý, ulttyq tabysty ádil bólý jáne basqa da strategııalyq bastamalar jańa ekonomıkalyq saıasattyń basymdyqtary ekenin aıtty.

«Baǵa belgileý isine memlekettiń aralasýynan birtindep bas tartý jáne ekonomıkany odan ári monopolııasyzdandyrý Joldaýda belgilengen birinshi kezektegi mindetter ekeni anyq. Sondaı-aq turaqty ekonomıkalyq ósýdi qamtamasyz etý úshin túsinikti jáne boljamdy ekonomıkalyq saıasat kerek. Prezıdentimiz qarjy sektoryn jandandyrý úshin jańa Salyq kodeksin ázirleýdi tapsyrdy. Búginde bul baǵytta tıisti jumystar bastalyp ta ketti. Sonymen qatar Memleket basshysy kedendik ákimshilendirý jáne bıýdjettik saıasat salalaryn jaqsartý boıynsha aıtarlyqtaı reforma júrgizý jáne naqty sharalar qabyldaý qajet ekenin aıtty», – dedi Máýlen Áshimbaev.

Senat Tóraǵasy Joldaýda memlekettik-jekemenshik seriktestiktiń jańa modelin engizý jáne nesıe resýrstarynyń tapshylyǵyn sheshý arqyly kásipkerlikti júıeli túrde qoldaýǵa erekshe nazar aýdarylǵanyn da atap ótti.

Máýlen Áshimbaev Memleket basshysy pandemııanyń shekteýli resýrstar jaǵdaıyndaǵy el ekonomıkasyna tıgizgen saldaryn eskere otyryp, birqatar negizgi basymdyqty belgilep bergenine nazar aýdardy.

«Bizge qazir aldaǵy jyldarda Qazaqstanda kásipkerlerge jumys isteýge, óz kásibi men bıznesin júrgizýge múmkindik beretin naqty erejeler qajet. Bul – ádil, ashyq, demokratııalyq Qazaqstannyń jańa paradıgmasyn qalyptastyrýdyń alǵashqy qadamy. Joldaýdan týyndaıtyn ekinshi mindet – Ulttyq kompanııalar men kvazımemlekettik sektordy jáne ózge de tetikterdi reformalaý arqyly memlekettiń ekonomıkadaǵy úlesin azaıtý. Taǵy bir basymdyq, biz ekonomıkany belsendi túrde nesıeleý boıynsha maqsatty qadamdar jasaýymyz qajet. Prezıdentimiz basty erejelerdi atap ótti. Endi biz óz usynystarymyzdy berip, olardy negizgi qatysýshy taraptarǵa jetkizýimiz kerek. Sondaı-aq ári qaraı sol erejelerdi ustanýǵa tıispiz», – dedi Senat Spıkeri.

О́z kezeginde ulttyq ekonomıka mınıstri Álibek Qýantyrov mınıstrliktiń osy baǵyttaǵy jumysyna toqtalyp, elimizdegi jáne álemdegi ekonomıkalyq úderisterdi jan-jaqty zerttep, keshendi saraptama júrgizgeni úshin otyrysqa qatysýshylarǵa rızashylyǵyn bildirdi. Sondaı-aq ol jańa ıdeıalar jolynda memleket pen sarapshylar qaýymdastyǵynyń birlesip jumys isteýi mańyzdy qadam ekenin tilge tıek etti.

Is-shara barysynda Jas sarapshylar klýbynyń músheleri salyq mólsherlemeleri men basqa da áleýmettik aýdarymdardyń halyqaralyq tájirıbesine, qazirgi sanksııalyq teketires jaǵdaıynda otandyq bıznestiń strategııasyna jáne ekonomıkalyq damýdyń basqa da mańyzdy máselelerine qatysty óz usynystary men usynymdaryn aıtty.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar