Medısına • 04 Qazan, 2022

Ekpe alý syrqattanýdan saqtaıdy

46 ret kórsetildi

Aq jeleńdiler tumaýǵa qarsy ekpe alýǵa nıet bildiretinderdiń basym bóligi egde jastaǵy adamdar ekenin aıtady. Bıyl ımmýndyq júıesi álsiregen, ásirese onkologııa aýrýy men qant dıabetine shaldyqqan, tynys alý joldary jáne qan aınalym júıesinde kináraty bar naýqas adamdardy eń áýelgi kezekte vaksınalaý júrgizilýde. Bul maqsatta óńirge 90 myń doza ekpe jetkizildi.

О́ńirde jedel respıratorly vı­rýs­tyq ınfeksııalar (JRVI) jáne tumaý boıynsha ahýal turaqty dep esepteledi. Byltyr dál osy kezeńde aýyrǵandardyń sany myńnan asyp ketse, bıylǵy kórsetkish sál azyraq. Ári JRVI dıagnozy ázirshe eshkimge qoıylmaǵan. Pavlodar oblystyq den­saýlyq saqtaý basqarmasynyń bastapqy medısınalyq-sanıtarlyq kómek kórsetý jáne emdeý jumysy bóliminiń basshysy Aıgúl Muqysheva jedel respıratorlyq aýrýlar boıynsha alańdatarlyq jaǵdaı joq ekenin aıtady.

– Negizi tumaý Ulttyq saraptama ortalyǵynyń vırýsologııa zert­ha­nasynyń zertteýinen soń ǵana aı­qyn­dalady, al ony naqtylaý sharasy elordadaǵy zerthanada júrgiziledi. Byltyr epıdemııalyq kezeńde óńirde 13 tumaý jaǵdaıy atalǵan zerthanalarmen rastaldy. Aldaǵy ýa­qytta, naqty túrde jeltoqsan aıy­nyń basynda óńirde vırýstyq ınfeksııalar kóbeıip, tumaý boı kórsetetini anyq. Sebebi kún sýytqanda onyń taralatyn kezeńi bastalady. Sondyqtan densaýlyq saqtaý júıesi tumaý men tumaý tárizdes aýrýlardyń aldyn alýǵa kóńil bólýde. Jyldaǵydaı kóp­shi­likti vaksınalaýdan ótkizý jáne bul sharaǵa aımaqtaǵy medısına uıym­daryn daıarlaý jumystary py­syq­talyp qoıdy, – deıdi A.Muqysheva.

Qazirgi kúni oblysta tumaýǵa qar­sy ekpe salý bastalyp ketti. Bıyl bizdiń óńirge 90 myń doza vak­­sı­na bólinipti. О́ńirlik sanı­tar­lyq-epıdemıologııalyq baqy­laý de­partamenti parazıtarly jáne ın­fek­sııalyq aýrýlardy epı­­de­mıo­lo­gııa­lyq baqylaý bó­li­miniń basshysy Gúlmıra Qulmaǵambetovanyń sózine súıensek, barlyq aýdan-qala­da­ǵy emdeý meke­me­lerinde medı­sı­nalyq kabınetter ázirlengen. Tur­­ǵyndar jumys kúnderi qalaǵan ýa­qy­tynda kelip ekpe saldyra alady. Jyldaǵydaı reseılik óndiristen shyqqan «Grıppol Plıýs» vaksınasy egiledi. Bul ekpeden soń adam boıynda belgili bir aýrýlardyń qozýyna qa­tysty derekter tirkelmegen, al pre­parattyń tıimdiligi joǵary, deıdi maman.

Emhanalarǵa óz erkimen tumaýǵa qarsy ekpe saldyrýǵa keletinderdiń basym bóligi zeınetkerler eken. Immýndyq júıesinde kináraty bar egde jastaǵy emdelýshilerge eldiń aldy bolyp vaksına salynady. Ási­re­se onkologııalyq, qant dıabeti, tynys alý joldary jáne qan aınalym júıesi aýrýlaryna shaldyqqandarǵa zor kóńil bólinedi.

Pavlodar qalasynyń №5 emhanasynda tumaýǵa qarsy egý sharalary qyrkúıek aıynan bastalyp ketti. Bas dárigerdiń medısına qyzmeti sapasyn baqylaý jónindegi orynbasary Aıgúl Abylhasan búginde 1 myń adamǵa vaksına salynǵanyn jetkizdi. Bul emdeý uıymyna jalpy sany 55 919 adam bekise, munda bólingen vaksına sany – 7 372 doza. Negizinen tegin ekpeni medısına qyzmetkerleri, dıspanserlik esepte turǵan balalar, 60 jastan asqan qarııalar, júkti áıelder, qart­tar úılerin mekendeýshiler men múgedekter, balalar úıleriniń tár­bıe­lenýshileri qabyldaýda.

– Al shahardaǵy 51 750 emdelýshisi bar №3 emhanada qazirdiń ózinde 2 023 adamǵa salynyp úlgergen. Jyl sońyna deıin jalpy sany 5 677 adamdy ekpemen qamtymaq josparymyz bar, – dep habarlady mekemedegi epıdemıolog kómekshisi Aqbota Asylhanova. – 2021 jyly munda 10 myń adam tumaýǵa qarsy vaksınalaýdan ótken. Ekpe alǵandar arasynda tumaýmen aýyrý dıagnozy tirkelmegen.

Mamandar tumaýdyń juqpaly aýrý ekenin eskertedi. Onymen úlken de, kishi de aýyrady. Adamdar kóp jınalatyn jerlerde, úlken qalalar men eldi mekenderde tez taraıdy. Bul juqpaly derttiń muryn men tamaqtan ózge ókpege zaqym keltiretin túrleri de bolady. Asqynǵan jaǵdaıda qulaq ınfeksııasyna nemese bakterııalyq pnevmonııaǵa soqtyrýy múmkin.

 

Pavlodar oblysy

Sońǵy jańalyqtar

Qyrǵyzdyń óńindeı...

О́ner • Búgin, 08:35

Áleýmettik jobalardyń áleýeti

Úkimet • Búgin, 00:01

Abyroıly Aǵzam aqsaqal

Aýyl • Keshe

Taǵy da tarıf týraly

Aımaqtar • Keshe

Qoldan shapqan qobyz

Rýhanııat • Keshe

Kúlánda apa

Eń qysqa áńgime • Keshe

Alash at tarıhy

Qoǵam • Keshe

Bir óleńniń tarıhy

Ádebıet • Keshe

Sultanmahmut jeńisi

Ádebıet • Keshe

Dala men daryn

Tarıh • Keshe

Uqsas jańalyqtar