Sharanyń negizgi maqsaty – memlekettik basqarý men memlekettik qyzmetterdi sıfrlyq transformasııalaýdyń ózekti máselelerin talqylaý boldy.
«Sıfrlandyrý – básekege qabiletti zamanaýı ekonomıka men memlekettik basqarý júıesiniń negizgi bólshegi. Bul saladaǵy negizgi mindetter – memlekettik qyzmetterdi kórsetýdiń barlyq prosesterin sıfrlandyrý, sıfrlyq teńsizdikti joıý, shalǵaıdaǵy eldi mekenderdi de sapaly ınternetpen qamtamasyz etý», dep atap ótti Dáýren Ádilbekov.
Kezdesýge sonymen qatar Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, Indýstrııa jáne ınfraqurylymdyq damý, Qarjy, Eńbek jáne halyqty áleýmettik qorǵaý, Ishki ister, Ekologııa, Geologııa jáne tabıǵı resýrstar, Densaýlyq saqtaý, Oqý-aǵartý mınıstrlikteriniń, sondaı-aq Sıfrlyq úkimetti qoldaý ortalyǵynyń ókilderi qatysty.
