«Bilim berý, densaýlyq saqtaý, sport jáne mádenıet ınfraqurylymyn damytý jumystary azamattardyń turmysyna tikeleı áser etedi. Men urpaqtyń sapaly bilim alýyna basa mán berip otyrmyn. Meniń bastamammen «Jaıly mektep» ulttyq jobasy qolǵa alyndy. Ony búkil elimiz boıynsha júzege asyryp jatyrmyz», dedi Memleket basshysy.
Prezıdenttiń aıtýynsha aldaǵy 3 jylda óńirde 28 myńnan astam balaǵa arnalǵan mektepter salynady.
«Aldaǵy 3 jylda osy óńirdiń ózinde 28 myńnan astam balaǵa arnalǵan jańa mektepter salynady. Kelesi jyly qurylys bastalady. Sondyqtan, jer telimin bólý jáne ony kommýnaldyq jelilerge qosý máselesi qazirden bastap sheshimin tabýǵa tıis», dep túıindedi Qasym-Jomart Kemeluly.
