Qoǵam • 06 Qazan, 2022

Qosymshanyń kómegi eleýli

42 ret kórsetildi

Byltyr Ishki ister mınıstrligi «Halyq únine qulaq asatyn memleket» tujyrymdamasyn júzege asyrý maqsatynda «102» mobıldi qosymshasyn iske qosqany belgili. Jańa júıe qolǵa alynǵannan beri turǵyndarmen baılanys nyǵaıyp, ózara dıalog qalyptasa bastaǵany baıqalady.

Mınıstrlik aldynda turǵan mindetterdiń biri – zamanaýı tehnologııalyq, azamattardyń senimine ıe ishki ister organdary júıesin qurý. Aqparattyq tehnologııalardyń qazirgi damý deńgeıinde kez kelgen aqparat tez taralady. Sáıkesinshe, po­lı­sııanyń azamattardyń habar­la­malaryna den qoıýy da jedel bolǵany qajet-aq. Kún sa­ıyn respýblıka boıynsha po­­lı­­sııanyń jedel basqarý orta­lyq­­tarynyń operatorlary 102-arnaǵa kelip túsken 10 myńǵa jýyq habarlamaǵa jaýap beredi eken. Sonymen birge oqıǵa týraly aqparat polısııaǵa emes, áleýmettik jelilerge jiberiletin jaǵdaılar da kóp kezdesedi. Ádette, túr­li oqıǵalardyń kýá­ger­­leri foto­sýretterdi nemese vıdeolardy óz paraqshalaryna salady nemese tanymal pab­lık­terge jiberedi. Bul oqıǵalardy tártip saq­shy­­lary áleýmettik je­l­i­­lerdi baqylaý kezinde anyq­taı­dy. Bul rette polısııa qyz­met­kerleri quqyq buzý­shy­lyq­tyń jolyn kesý nemese qyl­mys­­ty ashý úshin biraz ýaqyt joǵaltady.

«102» qosymshasynyń ar­tyq­shylyǵy – oqıǵalar týraly qysqa habarlamalar men foto, vıdeo jiberý múmkindigi jáne oqıǵa ornynan tikeleı beı­neqońyraý shalýǵa bolady, bul JBO operatoryna ne bolyp jatqanyn kórýge jáne dereý tıisti sharalar qabyldaýǵa múmkindik beredi. Qosymsha arqyly sybaılas jemqorlyq, polısııa qyzmetkeri tarapynan jasalǵan bopsalaý faktisine tap bolǵan jaǵdaıda IIM-niń О́zindik qaýipsizdik qyz­me­tine de júginýge bolady. Qo­sym­shanyń kómegimen polısııa je­del áreket etip, qylmystardy ashý­daǵy tıimdilik artqany baı­qa­lady. Bastysy – kóptegen quqyq buzý­­shylyqtyń aldyn alýǵa jol ashylypty.

«Eger ózińizge nemese ózge­ler­ge qaýip tónip tur dep oıla­sańyz, mas adamnyń rýlge otyr­­ǵanyn kórseńiz, zorlyq-zom­bylyqtyń kýási bolsańyz, jan­ýar­larǵa qatygezdik jasalyp jat­qanyn kórseńiz, kúdik­ti adamdy baıqasańyz, dereý habar­lańyz. Tek birlesken kúsh-jigerimizben ǵana quqyq buzý­shylyqqa tózbeıtin jáne qaýipsiz qoǵam quramyz», deıdi IIM Aqparattandyrý jáne baılanys departamentiniń bas mamany Ádil Sársenov.

Bul júıege kelip túsken habar­la­malardy jedel basqarý orta­ly­ǵy­nyń 300 operatory, Ishki ister organdary qury­lym­­darynyń 424 kezekshi bó­lim­de­rin­degi 1200 maman na­zarǵa alyp, tıisti sharalar qol­ǵa alynady. Qosymsha iske qo­­sylǵannan beri 1,2 mıllıon ha­barlama túsken.

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar