Partııa tuǵyrnamasy: «Adam – memlekettiń basty baılyǵy»

Partııa tóraǵasy Erlan Qoshanov al­qaly quryltaıdyń mańyzy da, maqsaty da, saıası salmaǵy da aıryqsha ekenin aıtty.

– О́zderińizge málim, qazir kúlli álem kúrdeli kezeńdi bastan ótkerýde. Al Qazaqstan – alyp Jer sharynyń bir bólshegi ǵana. Keıingi jyldar elimiz úshin de ońaı bolǵan joq. Degenmen elimiz syndarly saıasat, batyl qadamdar arqyly qoǵamnyń birligin, halqymyzdyń tatýlyǵy men tutastyǵyn saqtaýdyń úlgisin kórsetip otyr. Keshegi Jalpyhalyqtyq referendým men Konstıtýsııalyq ózgeristerden keıin Táýelsiz Qazaqstannyń jańa saıası dáýiri bastaldy. Zamannyń aǵymyna saı partııanyń aty ǵana emes, zaty da ózgerdi. Tuǵyrnamasy túbegeıli qaıta jazylyp shyqty. Qatarymyz qoǵamda aıryqsha orny bar memleketshil azamattarmen tolyqty. Ásirese jigerli jastardyń partııa jumysyna belsene aralasýy kóńil qýantady. Bul jastardyń el aldyndaǵy jaýapkershiligin, erteńge degen senimin kórsetedi. Qazirgi álemdegi kúrdeli jaǵdaıda, almaǵaıyp ýaqytta bizge eń áýeli memlekettik jaýapkershilikti tereń sezinetin tegeýrindi tulǵa kerek. «Er joldasy – táýekel!» degen sóz bar. Qasym-Jomart Toqaev el tizginin qolǵa alǵaly beri táýekel men synaqtar az bolǵan joq. Qos ókpeden qys­qan pandemııa, aıtyp kelmeıtin túrli tabı­ǵı apattar, alys-jaqynda bolyp jatqan qaq­ty­ǵystar halyqty alańdatýmen boldy. Osy syn­dardyń bárin Memleket basshysy halqy­men birge kórdi, bel ortasynda boldy, qıyn­dyqtyń bárin toıtaryp, elin alǵa bastap keledi. Jyl basyndaǵy «Qasiretti qańtar» oqıǵasy Qazaqstan tarıhyndaǵy eń aýyr kezeńniń biri boldy. Bul memlekettiń irgesin sógip, shańyraǵyn shaıqaltýǵa baǵyttalǵan teris pıǵyldy kúshterdiń qasaqana áreketi edi. Sol aýyr sátterde Prezıdentimiz búkil jaýapkershilikti óz moınyna alyp, elimizdiń bolashaǵy úshin shuǵyl ári batyl sheshimder qabyldady. Kók baıraǵymyzdy qulatpaı, óz tuǵyrynda saqtap qaldy.

Búgingi reformalardyń basty maqsaty – ádilettilik, teńdik, birlik prınsıpterin ornyqtyrý. Biz ótkenge keri qaıtpaýymyz kerek. Aýqymdy ózgerister óziniń zańdy jalǵasyn tabýǵa tıis. Al memleket aldynda turǵan uly maqsat-murattarǵa qol jetkizý úshin bizge laıyqty kóshbasshy kerek. Sondyqtan Prezıdenttikke úmit­ker retinde Qasym-Jomart Kemeluly Toqaevty usynamyn!

Aldaǵy 20 qarasha – elimizdiń saıası ómirindegi tarıhı oqıǵa bolary anyq. Dál sol kúni Qazaqstan halqy óz tańdaýyn jasaıdy. Bul saılaý Ádiletti Qazaqstannyń damýdaǵy baǵyt-baǵdaryn aıqyndaıdy! Saı­laýda halqymyz óz úmitkerine el taǵ­dyryn, bolashaǵyn senip tapsyrady! Biz úshin eń laıyqty úmitker – Qasym-Jomart Kemeluly Toqaev! Sizderdi osy usynysty qoldaýǵa shaqyramyn! – dedi Erlan Qoshanov.

Budan keıin jaryssózge shyqqan spıkerler óz oılaryn ortaǵa saldy. Qazaq­stannyń tuńǵysh Eńbek Eri, ustaz Aıagúl Mırazova Prezıdent reformalarynyń baǵytyn qoldaı otyryp, qoǵamda beıbit­shilik pen kelisimdi saqtaý qajettigin atap ótti. «Otan otbasynan bastalady». Olaı bolsa biz otbasy qundylyqtaryn, ulttyq salt-dástúrimizdi, tól bolmysymyzdy, ana tilimizdi qurmettep, saqtaýǵa tıispiz. Qasym-Jomart Toqaev kópqyrly saıasat júrgizýde. Aýqymdy reformalardy qolǵa aldy. Ol ózin halyqqa jany jaqyn tulǵa, tájirıbeli basqarýshy retinde kórsetti. Sondyqtan onyń janyna toptasýymyz qajet», dedi Aıagúl Mırazova.

Qazaqstannyń eńbek sińirgen jattyq­tyrý­shysy, Olımpııa oıyndary­nyń kúmis júldegeri Dáýlet Turlyhanov Prezı­denttiń árbir is-áreketi men reforma­larynyń negizinde tek qana halyq múddesi turǵanyn jetkizdi. «Qasym-Jomart Toqaev – Táýelsizdik qundylyqtaryn qorǵap kele jatqan patrıottyń jarqyn úlgisi. Jańa oblystardyń ashylýy, jerdi satýǵa tyıym salý, qazaq tiliniń mártebesi – osynyń bári mańyzdy shoǵyrlandyrý­shy ról atqarady. Qasym-Jomart Toqaevty qoldap, Ádiletti Qazaqstandy birge quraıyq», dedi D.Turlyhanov.

Aıtysker aqyn, partııa Saıası keńesi­niń múshesi Bekarys Shoıbekovtiń aıtýynsha, eń qıyn kezeńderde Qasym-Jomart Toqaev árdaıym halyqpen birge túıtkildi máselelerdiń sheshý joldaryn taba bildi. Buǵan Arys, Maqtaaral, Qańtar oqıǵasy mysal bola alady. «Arandatýshylar­dyń jeteginde ketpeý kerek. Tek eldegi beıbitshilikti saqtaı otyryp, turaqty damı alamyz. Etnostyq, dinı, tildik qatystylyǵyna qaramastan jalpyulttyq birlikti saqtaý – Prezıdent baǵytynyń negizi. Sondyqtan mańyzdy reformalardy júzege asyrý jolynda «Amanat» partııasy kandıdatynyń aınalasyna toptasýymyz kerek», dedi aqyn.

Kásipker, Kórý qabiletin qalpyna kel­tirý jáne aldyn alý mektebiniń negizin qalaý­shy Anna Iаkovleva Ádiletti Qazaq­stan barsha azamattyń adal eńbegi arqyly ǵana qurylady dep sanaıdy. «Elimiz­de jáne álemde bolyp jatqan oqıǵalar­dyń mańyzyn túsine otyryp, óz Prezıdentimizge aıryqsha senim artamyz. Sondyqtan barsha otandasymyzdy qasterli Qazaqstannyń qaýipsizdigi jáne odan ári órkendeýi úshin Qasym-Jomart Toqaevtyń aınalasyna birigýge shaqyramyn!», dedi Anna Iаkovleva.

Mańǵystaý oblystyq máslıhatynyń depýtaty Aıat Súgirbaı Prezıdent qolǵa al­ǵan ózgerister zań ústemdigine negizdelgen demo­kratııalyq qoǵamdy qalyptastyrýǵa baǵyttalǵanyn atap ótti. «Azamattar árbir adamnyń quqy qorǵalǵanyn, laıyqty jalaqy men turaqty jumys orny bolǵanyn qalaıdy. El ishindegi «qosarlanǵan bı­l­ik, olıgopolııanyń yqpaly» sııaqty alyp-qashpa áńgimelerge núkte qoıatyn mezgil jetti. Prezıdenttiń qańtardaǵy saıası erik-jigeri, senimdi áreketteri ony halyq atynan saıası jaýapkershilikti arqalaı alatyn bilikti basshy retinde kórsetti. Qazirgi ýaqytta Qazaqstanǵa dál osyndaı kósh­basshy qajet! Sondyqtan biz aldaǵy saılaýda Qasym-Jomart Toqaevtyń kandıdatýrasyn qoldaýymyz kerek», dedi Aıat Súgirbaı.

Sezdiń ekinshi bóliginde partııanyń saıası tuǵyrnamasy qabyldandy. Negizgi ıdeologııalyq qujat damýdyń basty baǵyttary men saıası birlestiktiń prınsıp­terin kórsetedi. Partııa tóraǵasy Erlan Qoshanov búgin qabyldanǵan «Amanat»-tyń Saıası tuǵyrnamasy uzaq merzimdi jáne strategııalyq qujat ekenin atap ótti. «Jalpy, búgingi sezdi tarıhı dep aıtýǵa tolyq negiz bar. Biz partııanyń jańa Saıası tuǵyrnamasyn qabyldadyq. Tuǵyrnamanyń basty qaǵıdasy – adam, qoǵam jáne memleket. Ondaǵy prınsıpter Prezıdentimizdiń saıası reformalarymen úndes ári sabaqtas. Partııa aldaǵy qyzmetinde osy ustanymdardy basshylyqqa alady», dedi Erlan Qoshanov.

Saıası tuǵyrnamany ázirleý jónindegi jumys tobynyń jetekshisi, «Amanat» partııa­synan saılanǵan Májilis depýtaty Aıdos Sarym bul qujatta partııa Qazaqstannyń bolashaǵy týraly ıdeıasyn aıqyn kórsetip, óziniń nıeti men maqsat­taryn belgilegenin atap ótti. «Bar­lyq óńirden usynys jınaý jáne áleý­mettik saýaldamalar júrgizý arqyly partııanyń árbir múshesine qujatqa qatysty óz pikirin aıtýǵa múmkindik beril­di. Sonyń nátıjesi retinde, partııanyń jańa qujaty qoǵamymyzdyń ártúrli top­tary­nyń kózqarastary men múddelerin kórsetedi. Basqasha bolýy múmkin de emes, óıtkeni partııa – Qazaq­stan­daǵy eń myqty qoǵamdyq ınstıtýt», dedi Májilis depýtaty.

«Amanat» partııasynan saılanǵan Májilis depýtaty Ekaterına Smyshlıaeva óz sózin­de tuǵyrnamada usynylǵan tásilder sapaly turaqty ekonomıkalyq ósýdi qamta­masyz etip qana qoımaı, Qazaqstannyń árbir azamatynyń onyń ıgiligin kórýine múmkindik beretinin aıtty. «Partııanyń prınsıpti ustanymy – munaıdyń árbir tamshysy, kenniń árbir gramy, jerdiń árbir santımetri eseptelip, azamattarymyz­dyń ıgiligi úshin jumsalýy kerek! Jer qoınaýynan túsetin kirister otandyq ekonomıka salalaryn damytýdyń bazasy bolýǵa tıis. Jer qoınaýyn paıdalanýshylar salyq tóleýden bólek, sapaly jumys oryndaryn qurýǵa, bizdegi orta jáne shaǵyn bıznestiń sharýasyn dóńgeletýge, tikeleı ózderi jumys isteıtin óńirlerdi damytýǵa qatysýy qajet», dep atap ótti depýtat.

M.О́temisov atyndaǵy Batys Qazaqstan memlekettik ýnıversıtetiniń rektory, partııa Saıası keńesiniń múshesi Nurlan Serǵalıev qujatta bilim men ǵylym erekshe oryn alatynyn atap ótti. «Úlken qarqyn­men ózgerip jatqan qazirgi álemde bilim berý salasy da ózgerissiz qalýy múmkin emes. Naqty anyqtalǵan maqsat – ozyq oı­ly, tyń ıdeıalarǵa ashyq, erkin oılaı­tyn jáne kreatıvti azamattardy tár­bıe­leý úshin keshendi júıeli ózgerister qajet. Biz mektepterdiń, jataqhanalardyń jetis­peý­shiligi jáne bilim berý nysandaryn mate­rıaldyq-tehnıkalyq jaraqtandyrý prob­lema­laryn júıeli túrde sheshýge tıispiz. Sondaı-aq jastardy ǵylymǵa tartý jáne olar­dyń damýyna jaǵdaı jasaý da óz aldyna bólek másele. Bul – memlekettiń damýy úshin qajetti negizgi alǵyshart», dedi N.Serǵalıev.

Belgili saıasattanýshy, partııa Saıası keńe­si­niń múshesi Marat Shıbutovtyń piki­rinshe, jańa saıası tuǵyrnama: «Adam – mem­­lekettiń basty baılyǵy» ıdeıasyna negiz­delgen. «Bul tásil Ádiletti Qazaq­stan­dy qurý ıdeıasyna saı keledi. Qujat­ta baıqal­ǵan­daı, partııa «Halyq únine qulaq asatyn mem­leket» qaǵıdatyn naqty usta­nady. Par­tııa­nyń maqsaty – azamattyń quqyq­tary men múd­deleri qorǵalatyn, al adal eń­bek pen bilim ár adamǵa óz josparlaryn júzege asy­rýǵa jáne jetistikke jetýge múm­kin­dik be­retin demokratııalyq, ádiletti jáne órk­en­degen memleket qurý. Adamdar úshin ot­basy, densaýlyq, bilim, jumys istep la­ıyq­ty tabys tabý, qaýipsizdik mańyzdy», dedi ol.