Aımaqtar • 07 Qazan, 2022

Qostanaı oblysynda birqatar sheneýnik sottaldy

58 ret kórsetildi

Qostanaı aýdandyq sotynda Qostanaı aýdany ákimdiginiń jer qatynastary bóliminiń burynǵy bastyǵyna qatysty qylmystyq is qaralyp, sot úkimi shyqty, dep habarlaıdy Egemen.kz.

Erkin Sarymbet qyzmettik jaǵdaıyn paıdalanyp, aldyn ala sóz baılasý boıynsha adamdar tobyn quryp, alaıaqtyq jasaǵany úshin jaýapkershilikke tartyldy.

Úsh sottalýshy júzdegen myń teńgeden bastap mıllıonǵa deıin para alyp, jalpy kezekti aınalyp ótýge nıet bildirýshilerge jer ýchaskelerin berýmen aınalysqandary anyqtaldy.

Sottyń málimetinshe, 2020 jyldyń mamyr-maýsym aılary aralyǵynda E.Sarymbet pen jeke kásipker Málik Sársenbaeva aldaý jáne senimdi teris paıdalaný jolymen aldyn ala sóz baılasý arqyly jalpy somasy 2,4 mln teńge urlaǵan.

Sársenbaeva men onyń aǵasy Mákishev 2021 jyldyń mamyr aıynda sottalýshy Sarymbetti qylmystyq isti toqtatý úshin laýazymdy adamǵa para berýge kóndirdi.

Prokýror aıyp taǵylǵan baptar boıynsha kelesi jaza taǵaıyndaýdy surady:

Sarymbet - 4 jyl bas bostandyǵynan aıyrý, ómir boıy memlekettik qyzmette qyzmet atqarýǵa tyıym salý, Sársenbaeva - 7 jyl bas bostandyǵynan aıyrý,

Maqyshev - 5 jyl bas bostandyǵynan aıyrý.

«Sottalýshy Sarymbet kináni ishinara moıyndady, sottalýshylar Sársenbaeva men Maqyshev kináni moıyndamady. Nátıjesinde Sarymbetke 5 jyl bas bostandyǵynan aıyrý, Sársenbaevaǵa 7 jyl 6 aı bas bostandyǵynan aıyrý jáne Maqyshevke 4 jyl bas bostandyǵynan aıyrý jazasy taǵaıyndaldy», dep habarlady oblystyq sotta.

Sottalýshylar ortasha qaýipsizdik qylmystyq-atqarý júıesi mekemesinde jazasyn óteıtin bolady. Jábirlenýshilerdiń azamattyq talaptary ishinara qanaǵattandyryldy.

Sońǵy jańalyqtar

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Almaty mańynda jer silkindi

Aımaqtar • Keshe

Uqsas jańalyqtar