Partııanyń pavlodarlyq músheleri prezıdent kandıdatýrasyna Qasym-Jomart Toqaevty usyný ıdeıasyn biraýyzdan qoldaıdy. Memleket basshysynyń saıasaty eń áýeli turǵyndardyń áleýmettik turmysyn jaqsartýǵa baǵyttalǵany belgili. Partııanyń jumysy da halyqpen keri baılanys ornatyp, áleýmettik máselelerdi sheshýge qurylǵan. Sondyqtan da aldaǵy ýaqytta bılik pen halyq arasyndaǵy altyn kópir nyǵaıyp, oıǵa alǵan reformalar nátıjeli júzege asady degen senim mol.
Kúni keshe Memleket basshysy Pavlodar oblysyna jumys saparymen kelip, óńirdiń áleýetin erekshe atap ótti. Sáıkesinshe, munda tyń jobalardy júzege asyrýǵa múmkindik zor ekenin naqtylady. Bul bizge artylǵan senim dep túsinemiz. Aldaǵy ýaqytta turǵyndardyń áleýmettik jaǵdaıyn jaqsartýǵa baǵyttalǵan jobalar qolǵa alynyp, partııa músheleri ıgi istiń basy-qasynda júretinine eshkim shúbá keltire qoımas.
Búginde buljymastaı kóringen halyqaralyq qatynastar, qoǵamdyq qundylyqtar, áleýmettik, adamı baılanystar túbegeıli synǵa túskeni ras. Osyndaı tarıhı, jaýapty kezeńde ortaq múdde men maqsat úshin bir jaǵadan bas, bir jeńnen qol shyǵaratyn ýaqyt keldi.
Ilıa TERENChENKO,
«Amanat» partııasy Pavlodar oblystyq fılıalynyń atqarýshy hatshysy
