Almaty oblysynyń turǵyny arzymaıtyn aqshaǵa 4 qul satyp alǵan

ASTANA. 21 mamyr. Almatyda óz tanysynan 4 adamdy 60 myń teńgege satyp alǵan azamat ustaldy. Bul týraly Today.kz habarlady. Almaty oblystyq ishki ister departamentiniń baspasóz qyzmeti habarlaǵandaı, Qarasaı aýdanyndaǵy bir sharýa qojalyqtan túrli jumysqa jegilgen ózbek azamaty qashyp shyǵady. Sodan keıin ol quqyq qorǵaý organdaryna jaǵdaıyn túsindirip aryz jazǵan. Osy aryz negizinde departament qyzmetkerleri iske kirisip, álgi sharýashylyqtyń aýmaǵynan taǵy úsh О́zbekstan azamatyn keziktiredi. Qazir polıseıler basty kúdikti retinde sharýa qojalyǵynyń basshysyn ustap otyr. Al ol óz túsiniktemesinde bul 4 jumysshyny óziniń tanysynan 60 myń teńgege satyp alǵanyn aıtady. Ile adam satqan kúdikti de qolǵa túsip, ol da túsinikteme berýde. Osyǵan baılanysty adamdy bostandyǵynan zańsyz aıyrý, eńbegin paıdalaný jáne satý faktisi boıynsha Qylmystyq kodekstiń 126-baby 3-bólimi jáne 128-baby 2-bólimi boıynsha kúdiktilerge qatysty qylmystyq is qozǵaldy. Joldybaı Bazar. Derekkóz: Today.kz. Foto: aktobegazeti.kz.