Qazaqstandyq tájirıbe Armenııany da qyzyqtyrady

Keshe Qazaqstan Respýblıkasy Memlekettik qyzmet isteri agenttiginiń tóraǵasy Álıhan Baımenov Armenııa Respýblıkasy Azamattyq qyzmet keńesiniń tóraǵasy Manvel Badalıanmen kezdesti. Kezdesýde taraptar Qazaqstan men Armenııa arasyndaǵy ekijaqty ynty­maqtastyq máselelerin talqylady. Qory­tyndysynda Qazaqstan Respýb­lıkasynyń Memlekettik qyzmet isteri agenttigi men Armenııa Respýblıkasynyń Azamattyq qyzmet keńesi arasyndaǵy memlekettik qyzmet salasynda О́zara túsinistik týraly memorandýmǵa qol qoıyldy. Bul qujat eki el sarapshylarynyń kezdesýler ótkizip, pikirler almasý­laryna, memlekettik qyzmet máseleleri jónindegi is-sharalarǵa qatysýlaryna, sondaı-aq, Qazaqstan men Armenııa memlekettik qyzmetshileriniń taǵylym­da­madan ótýlerine baǵyttalǵan. Manvel Badalıan jýrnalısterge bergen suhbatynda Qazaqstannyń mem­­lekettik qyzmet salasyn refor­malaý­daǵy tájirıbesine, onyń ishinde «A» korpýsynyń engizilýine úlken qyzyǵýshylyq tanytatynyn atap ótti. «Qazaqstan Respýblıkasy men Armenııa Respýblıkasynyń memlekettik qyzmet salasyndaǵy yntymaqtastyǵynyń perspektıvasy erekshe zor bolmaq, – dedi ol. – Biz Qazaqstannyń memlekettik qyzmet týraly zańnamalarymen jan-jaqty tanystyq. Qol qoıylǵan memorandým eki eldiń osy saladaǵy yntymaqtastyǵyn damytýǵa yqpal etedi degen senimdemin». Al Álıhan Baımenov: «Qazaqstan memlekettik qyzmetti reformalaýda TMD-da kóshbasshy bolyp tabylady. Kez kelgen memlekettiń ózgeden úırenetin jaqsy jaqtary bolady. Biz de álemdegi memlekettermen tıimdi qatynastar jasaýǵa tıispiz. Kezdesýde Astanadaǵy aımaqtyq habtyń aıasynda birlese is-qımyl jasaýǵa ýaǵdalastyq. Osy jyldyń sońynda nemese kelesi jyldyń basynda habtyń bir sharasy Erevan qalasynda ótetin bolady», – dedi. Álısultan QULANBAI, «Egemen Qazaqstan».