«Qurmetti, Qasym-Jomart Toqaev myrza, qurmetti qonaqtar men AО́SShK sammıtine qatysqanyma qýanyshtymyn. Men Toqaev myrzaǵa jáne barlyq qazaq baýyrlaryma osyndaı qonaqjaılylyǵy úshin alǵysymdy bildiremin. Kýveıttiń qatysýyn quptaımyn. Bul kezdesý paıda ákelsin dep tileımin», dedi Túrkııa prezıdenti.
Túrkııa prezıdentiniń aıtýynsha, Túrkııa konferensııaǵa qatysýshylardyń keńeıýin basynan bastap qoldaǵan. Ol jahandyq qaýipsizdik arhıtektýrasy neǵurlym ádil negizde qalyptasýy kerek ekenin atap ótti.
«Biz Ýkraınadaǵy daǵdarystyń zardaptaryn aımaqtyq jáne jahandyq aýqymda áli de kórip otyrmyz. Men árqashan dıplomatııa arqyly ádiletti álemge qol jetkizýge bolatynyn aıtamyn. Soǵysta jeńimpaz joq, ádiletti álemde jeńilis joq. Ekinshi jaǵynan, BUU-men birge soǵystyń jaǵymsyz saldaryn joıýǵa baǵyttalǵan qarqyndy kúsh-jigerimiz búkil álemde moıyndaldy. Qara teńiz arqyly ýkraındyq astyqty eksporttaý jáne ótken aıda tutqyndardy almasý týraly Ystanbul kelisimi bul joldaǵy naqty jetistik. Bizdiń maqsatymyz – álemde bolyp jatqan barlyq qıyndyqtarǵa qaramastan dál osy qarqyndy saqtap, qantógisti tezirek toqtatý», dep qosty Erdoǵan.
Sonymen qatar Túrkııa prezıdenti terrorızm problemasy men Aýǵanstanda beıbitshilik pen turaqtylyq ornatýdyń mańyzdylyǵyna toqtaldy.
