Qasym-Jomart Toqaev atap ótkendeı, sońǵy jyldary Qazaqstan Ortalyq Azııa memleketterimen jáne Reseımen ýnıversıtetaralyq yntymaqtastyqty kúsheıtti.
«Reseı Federasııasymen ýnıversıtetaralyq yntymaqtastyqtyń jańa sapaly deńgeıin atap ótkim keledi. Qazaqstandyq stýdentter Reseıdiń eki jetekshi joǵary oqý oryndarynda (MIFI jáne I.M. Gýbkın atyndaǵy Reseı memlekettik munaı jáne gaz ýnıversıteti) bilim ala alady. Básekelestik orta bizdiń elderdegi joǵary bilim sapasyn arttyrýǵa yqpal etetinine senimdimin», dedi Qazaqstan Prezıdenti Ortalyq Azııa-Reseı sammıti barysynda.
Qasym-Jomart Toqaev bilim salasyndaǵy áriptestikti odan ári tereńdetý maqsatynda Qazaqstan men Reseı ýnıversıtetteri rektorlarynyń turaqty forýmdaryn ótkizý bastamasyn quptaıtynyn aıtty.
«Men Ortalyq Azııanyń basqa memleketterin osy formatqa qosý múmkindigin qarastyrýdy paıdaly dep sanaımyn», dep qosty Qasym-Jomart Toqaev.
