Vedomstvo atap ótkendeı, eskızdik jobanyń avtory - Taldyqorǵan qorǵanys isteri basqarmasy bastyǵynyń áskerı-patrıottyq jumys jáne Qarýly Kúshter ardagerlerimen jumys jónindegi kómekshisi, vıse-prezıdent, Sýretshiler Odaǵynyń múshesi, О́ner akademııasynyń korrespondent-múshesi Eset Dáýrenbaev.
«Jetisý oblysynyń zamanaýı, erekshe, ońaı tanylatyn óńirlik gerbi konkýrs nátıjesinde iriktelinip, anyqtaldy. Baıqaýǵa sýretshiler, fotograftar, dızaınerler, arhıtektorlar jáne qala turǵyndary da qatysty. Jalpy 17 úmitkerden 55 eskız tústi», delingen ákimdik habarlamasynda.
Jetisý oblysynyń qoǵamdyq damý basqarmasynyń málimetinshe, Eset Jeńisulynyń eskızdik jobasy konkýrstyq komıssııa músheleriniń sheshimimen biraýyzdan tańdaldy. О́lkeniń tarıhı-mádenı jáne geografııalyq erekshelikterin kórsetý, joǵary kórkemdik deńgeıi, biregeı dızaın sheshimi, tústerdiń úılesimdiligi jáne geraldıka talaptaryn saqtaý baǵalandy.
«Jetisý oblysynyń gerbi sheńber ishinde ornalasqan, Memlekettik Týdyń kók jáne altyn túsine negizdelip quryldy. Negizgi nyshandardyń biri – shańyraq, Jetisý jeriniń asqarly, bıik taýlary, Taldyqorǵan qalasynyń sımvoly «Jetisý monýmenti», Uly Jibek Jolynyń nyshany – kerýen kóshi, Jeti ózen, Balqash, Alakól kólderiniń aıdyny beınelengen», dep qosty vedomstvo.
О́ńirdiń jańa nyshany Mádenıet jáne sport mınıstrliginiń Memlekettik rámizder men geraldıkalyq belgiler máseleleri jónindegi saraptamalyq keńeste oń saraptama qorytyndysyn aldy.
