«Biz Isker áıelder qaýymdastyǵy bas qosyp, Prezıdent Joldaýyn talqyladyq. El bolamyn deseń besigińdi túze deıdi. Búkil Qazaqstan boıynsha 800 myń balaǵa mektepter salý, 32 jańa aýrýhana salý, áıelderdiń bala kútimi boıynsha demalysyn 1,5 jylǵa sozý sekildi ózekti bastamalardy talqyladyq», dedi Qazaqstan áıelderi kúshteriniń alıansy tóraıymynyń orynbasary Baıan Taýkebaeva.
Jıyn barysynda jýrnalıst, Astana qalasy Áıelder isteri jáne otbasylyq-demografııalyq saıasat jónindegi komıssııanyń múshesi Aıgúl Múkeı Joldaýda aıtylǵan mańyzdy bastamalarǵa toqtalyp ótti.
«Ataýly áleýmettik kómek, sol sııaqty áleýmettik kómek túrleri, densaýlyq saqtaý, ana men balanyń densaýlyǵy, balalar kapıtaly. Munyń bári búgingi qoǵamnyń tıisti deńgeıde ómir súrýi úshin jasalǵan», dedi A. Múkeı.
