«Ǵasyrlar boıy Jetisýdyń berekeli jeri túrli mádenıetter men dástúrlerdiń toǵysqan orny boldy. Búgingi tańda Jetisý oblysy bizdiń mádenı kodymyzdyń ajyramas bóligine aınalǵan «ártúrliliktegi birlik» irgeli qaǵıdatyn iske asyrýda. Bul bizdiń baǵa jetpes baılyǵymyz jáne strategııalyq artyqshylyǵymyz», dedi Prezıdent.
Memleket basshysynyń aıtýynsha, álem joǵary geosaıası týrbýlenttilik pen jahandyq syn-qaterler kezeńine aıaq basty.
«Búgin álem joǵary geosaıası týrbýlenttilik pen buryn-sońdy bolmaǵan jahandyq syn-qaterler kezeńine aıaq basty. Qaqtyǵystar men soǵystar kóbeıip, elder arasynda senimsizdik kúsheıe tústi. Osyndaı kúrdeli kezeńde halqymyzdyń birligi, qoǵamdaǵy kelisim men turaqtylyqty nyǵaıtý erekshe mańyzǵa ıe. Bul elimizdiń odan ári ilgerileýiniń, sondaı-aq Qazaqstannyń aýmaqtyq tutastyǵyn saqtaýdyń, elimizdiń qaýipsizdigin qamtamasyz etýdiń basty sharty», dedi Q.Toqaev.
Bul rette Prezıdent Qazaqstan damýdyń jańa kezeńine aıaq basqanyn atap ótti.
«Elimizde birlik bolsa, tórt qubyla túgel bolady. Halyqtyń birligi - Qazaqstannyń egemendigi men derbestiginiń kepili. Qazaqstan damýdyń jańa kezeńine aıaq basty. Bizde ómirdiń barlyq salalarynda reformalardyń uzaq jáne qıyn joly bar. Barlyq azamattardyń eldi jańǵyrtýǵa qatysýy bizdiń reformalarymyzdyń tabysty bolýynyń qýatty faktory bolatynyna senimdimin. Bul jumysqa Qazaqstan halqy Assambleıasy paıdaly úles qosýda», dep túıindedi Memleket basshysy.
