Forým aıasynda ózgermeli klımatqa aýyl sharýashylyǵyn beıimdeý máseleleri talqylandy

VII Astana ekonomıkalyq forýmy aıasynda qazirgi ózgermeli álemdik klımatqa aýyl sharýashylyǵy salasyn beıimdeýge arnalǵan sessııa bolyp ótti. Sessııa jumysyna tanymal saıasatshylar, Qazaqstandaǵy úkimettik emes uıymdardyń, halyqaralyq uıymdardyń ókilderi, taıaý jáne alys shetelderden aýyl sharýashylyǵy salasyndaǵy ǵalymdar men mamandar, sarapshylar qatysty. Is-shara barysynda paneldik sessııaǵa qatysýshylar klımattyń ózgerý problemasyn jáne onyń aýyl sharýashylyǵynyń damýyna áserin talqylady. Otandyq jáne halyqaralyq sarapshylardyń ǵylymı zertteýleri negizinde jer sharýashylyǵy júıelerin damytý jáne ózgermeli klımatqa Qazaqstan Respýblıkasynyń aýyl sharýashylyǵy salasyn beıimdeý boıynsha birqatar usynystardy ázirledi. Paneldik sessııany ashý kezinde Qazaqstan Respýblıkasynyń Aýyl sharýashylyǵy mınıstri Asyljan Mamytbekov klımattyń ózgerýinen týyndaıtyn qaterlerden bárinen buryn aýyl sharýashylyǵy salasy zardap shegetinin atap ótti. Agrarlyq salanyń klımattyń ózgerýine turaqty bolýy úshin saldardy baǵalaýdy, uzaq merzimdi beıimdeý úshin ınstıtýttyq áleýetti ósirýdi jáne tabıǵı apattardan týyndaıtyn qaýipterdi basqarý júıesin qurýdy qarastyratyn tıisti saıasat júrgizilýi tıis. Sessııada Saýd Arabııasy Korol­diginiń Aýyl sharýashylyǵy mınıstri Fahd ben Abdýrrahman Balgýneım, BUU Azyq-túlik jáne aýyl sharýashylyǵy uıymynyń Shyǵys Eýropa men Ortalyq Azııadaǵy óńirlik dırektory Vladımır Rahmanın, Belarýs Respýblıkasy Aýyl sharýashylyǵy mınıstriniń bi­rin­shi orynbasary Leonıd Adamovıch Marınıch, Ortalyq Azııa úshin Dúnıe­júzilik banktiń óńirlik dırektory Sarodj Kýmar Dja, QR Qorshaǵan orta jáne sý resýrstary mınıstri N.Qap­parov jáne Greenport Holland International prezıdenti Herman de Boon sóz sóılep, óz pikirlerin ortaǵa saldy. Paneldik sessııanyń qory­tyn­dy­synda ózgermeli klımatqa aýyl sharýa­shylyǵyn beıimdeý máseleleri boıynsha usynystar ázirlendi. Suńǵat ÁLIPBAI, «Egemen Qazaqstan».