Qazaqstandyq memlekettik qyzmet modeli

Astana forýmyna qatysýshylardyń kóńilinen shyqty Burnaǵy kúni VII Astana ekonomıkalyq forýmy aıasynda ótken jahandyq konferensııa barysynda memlekettik qyzmet personalyn basqarýdyń jaı-kúıi men keleshektegi múmkindikteri qazaqstandyq jáne halyqaralyq sarapshylar arasynan keń talqylaýǵa tústi.  Nátıjesinde oǵan qatysýshylar memlekettik qyzmet salasynyń qazaqstandyq modeline joǵary baǵa berdi. Memlekettik qyzmet júıesin jetil­dirý qazirgi tańda kez kelgen eldiń úkimeti úshin ózekti másele. Muny konferensııany asharda sóılegen sózinde Qazaqstan Memlekettik qyzmet isteri agenttigi tóraǵasy Álıhan Baımenov erekshe atap ótti. Onyń aıtýynsha, ǵalamdasý men jańa synaqtar, qoǵamnyń talabynyń kúsheıe túsýi halyqqa sapaly qyzmet kórsetetin tıimdi memlekettik apparattyń bolýyn talap etedi. Buǵan kóz jetkizgen álemdegi kóptegen jetekshi elder osy salany jetildirip, ony batyl reformalaýǵa belsene kirisip ketti. Osy oraıda, agenttik tóraǵasy memlekettik qyzmetti reformalaýda, ásirese, aımaqtyq mánisi bar máselelerdi forým alańdarynda birlese talqylaý múmkin ekendigine toqtaldy. Bul jahandyq konfe­ren­sııanyń teorııalyq qana emes, tájirıbelik mánisi bar. О́ıtkeni, osy forýmǵa qatysýshylar, onyń ishinde, aımaqtardan kelgen memlekettik qyzmetshiler pikir almasýǵa qatysyp qana qoımaı, memlekettik qyz­met salasyndaǵy eń sońǵy ja­ńa­lyqtarmen, ozyq táji­rı­belermen tanysýǵa múmkindik aldy. Mysaly, Germanııanyń ishki máseleler mınıstrliginiń memlekettik qyzmet salasyn reformalaýmen aınalysqan bólimsheniń burynǵy basshysy, basqarý máseleleri boıyn­sha aǵa sarapshy Ioahım Volmýt jıynda memlekettik qyzmetshilerdiń qyzmetin baǵalaý máselelerin egjeı-tegjeıli saraptady. Al Álıhan Baımenovtiń paıym­daýynsha, Qazaqstanda mem­lekettik qyzmetshilerdiń qyz­metin baǵalaýdyń jańa ádis-tá­sil­deri ázirlenip, ony iske qosý kózdelip otyr. Bul jańa júıe memlekettik organdar ishin­degi qarym-qatynastarǵa oń áserin tıgizbek. Sebebi, ár deń­geı­degi basshylardyń qyzme­tin baǵalaýda endi onyń qa­ra­maǵyndaǵy qyzmetkerlerdiń de pikiri eskeriletin bolady. Jıynda Eýropa Odaǵynyń Qazaqstandaǵy ókildik basshysy Aýrelııa Býshez Qazaqstannyń memlekettik qyzmet sala­syn­daǵy «óziniń mańyzdy reformalarynda aımaq elderine úlgi» kórsetip otyrǵanyna aı­ryqsha nazar aýdardy. BUU Damý baǵdarlamasynyń Qazaq­standaǵy turaqty ókili Stıven Týll osy tusta memlekettik qyzmetkerlerdiń kásibı biliktiligin arttyrý men merıtokratııa qaǵıdattaryn júzege asyrýdyń mańyzdylyǵyna mán berdi. Aımaqta memlekettik qyzmetkerlerdiń bilimin jetildirip, daıyndaýda, pikir almasyp, tájirıbe bólisýde Astana aımaqtyq habynyń róli jóninde Avstrııa saý­da palatasy ekonomıkalyq damý ınstıtýtynyń burynǵy dırektory, basqarý máseleleri boıynsha bas sarapshy Stefan Hlavachek oń pikir bildirdi. Bul ortalyq arqyly aımaq elderi bir jaǵynan  osy baǵyttaǵy eń sońǵy aqparattarmen tanyssa, ekinshi jaǵynan memlekettik qyzmettiń qazaqstandyq úlgisin keńirek zerdeleýge múmkindik almaqshy. Konferensııa barysynda sarapshylar Qazaqstannyń memlekettik qyzmet modeliniń aımaqta ozyq ekendigin bir aýyzdan moıyndady. Máselen, Grýzııa, Armenııa, Qyrǵyzstan, Tájikstannyń quzyrly organ ókilderi ózderiniń memlekettik qyzmet salasyn reformalaý­da 1999-shy qabyldanǵan qazaqstandyq zań men agenttik ınstıtýty qurylymyn muqııat zerdelep shyqqandaryn jet­kiz­di. Joǵaryda atalǵan Grý­zııa, Armenııa, Qyrǵyzstan elderi­nen keıin Tájikstan da ja­qynda Qazaqstan úlgisin­degi Memlekettik qyzmet is­teri agenttigin qurǵan kóri­ne­di. Al Armenııa ókili ózde­rin­de memlekettik qyzmet­ker­ler­di irikteýde «A» korpýsyn qurý boıynsha qazaq­stan­dyq ádis-tásilderdi paıda­la­natyndyqtaryn málim etti. Jahandyq konferensııany Qazaqstan Memlekettik qyzmet isteri agenttigi, QR Prezıdenti janyndaǵy Memlekettik bas­qarý akademııasy, Eýropa Oda­ǵynyń memlekettik qyzmetti reformalaý boıynsha jobasy, BUU Damý baǵdarlamasy ótkizdi. Serik PIRNAZAR, «Egemen Qazaqstan».