Sondaı-aq sharaǵa Armenııanyń Úkimet basshysy Nıkol Pashınıan, Belarýs Premer-Mınıstri Roman Golovchenko, Qyrǵyzstannyń Úkimet basshysy Aqylbek Japarov, Reseı Mınıstrler kabınetiniń tóraǵasy Mıhaıl Mıshýstın qatysyp jatyr.
«Qazirgi ýaqytta shaǵyn formattaǵy otyrys ótip jatyr, onyń barysynda ónerkásiptik kooperatıvtik jobalardy qarjylandyrý, elektrondyq saýdany ákimshilendirýdiń biryńǵaı taldamalyq júıesin ázirleý, Odaqtyń ishki naryǵyndaǵy kedergilerdi joıý jónindegi sharalar, gaz, munaı jáne munaı ónimderiniń ortaq naryqtaryn qalyptastyrý jónindegi qadamdar, sondaı-aq birqatar uıymdastyrý máseleleri talqylanýda», dep jazylǵan habarlamada.
