Biraq qazaqstandyq jankúıerlerdiń bul qýanyshy uzaqqa sozylmady. Ekinshi kezeńde jerlesimiz Djessıka Pegýlamen kezdesti. 28 jastaǵy AQSh tennısshisi ár jyldary Aýstralııanyń ashyq birinshiligi, US Open jáne Rolan Garrostyń shırek fınalynda oınaǵan. Qazirgi kezde ol WTA reıtınginde besinshi orynda tur. Bul kezdesý 6:2, 3:6, 6:7 esebimen amerıkalyq oıynshynyń paıdasyna sheshildi. Eń ókinishtisi, osy sátsizdikten keıin Rybakına WTA-nyń Qorytyndy týrnırinde kúsh synasý múmkindiginen aıyryldy. Atalǵan jarys 31 qazan men 7 qarasha aralyǵynda AQSh-tyń Fort-Ýert qalasynda ótedi dep josparlanýda. Al Chılıdiń Kokımbo qalasyndaǵy týrnırde Tımofeı Skatov argentınalyq Nıkolas Kıkerdi 6:4, 1:6, 6:4 esebimen qapy qaldyryp, úshinshi aınalymǵa ótti.
