«Ulttyq qundylyqtarymyzdy ulyqtap, jańa óner týyndylary avtorlaryn qoldaýǵa baǵyttalǵan DALA DAUYSY respýblıkalyq konkýrsyn jarııalap otyrmyz. Jańa avtorlardy elge tanytýǵa, tyń týyndylardyń kópshilikke taralýyna, patrıottyq ánderdiń keńinen nasıhattalýyna serpin beretin konkýrs shyǵarmashylyq ıelerin beıjaı qaldyrmaıdy dep senemiz», dep jazdy Dáýren Abaev.
Úmitkerler «Úzdik folklorlyq mýzyka», «Úzdik klassıkalyq mýzyka», «Úzdik dramatýrgııalyq týyndy», «Úzdik mýzykalyq-teatrlyq janr týyndysy», «Respýblıka áni» (Estrada janry), Mádenıet jáne sport mınıstrliginiń 2 arnaıy júldesi nomınasııalary boıynsha baqtalasady. Al jeńimpazdar jeltoqsan aıynda anyqtalyp, marapattalady.
Aıta keteıik, atalǵan baıqaýǵa ótinimder 15 qazan men 15 qarasha aralyǵynda qabyldanady.
Konkýrs týraly tolyq aqparat Q.Qýanyshbaev atyndaǵy memlekettik akademııalyq qazaq mýzykalyq-drama teatrynyń saıtynda kórsetilgen.
