Qazaqstan Respýblıkasy Úkimetiniń qaýlysy № 409

2014 jylǵy 28 sáýir, Astana, Úkimet Úıi Salynyp jatqan (salynýy belgilengen) obektiler men keshenderdiń monıtorıngin júrgizý qaǵıdalaryn bekitý týraly «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» 2001 jylǵy 16 shildedegi Qazaqstan Respýblıkasynyń Zańy 19-babynyń 20) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Salynyp jatqan (salynýy belgilengen) obektiler men keshenderdiń monıtorıngin júrgizý qaǵıdalary bekitilsin. 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K. MÁSIMOV. Qazaqstan Respýblıkasy Úkimetiniń 2014 jylǵy 28 sáýirdegi № 409 qaýlysymen bekitilgen Salynyp jatqan (salynýy belgilengen) obektiler men keshenderdiń monıtorıngin júrgizý qaǵıdalary 1. Jalpy erejeler 1. Osy Salynyp jatqan (salynýy belgilengen) obektiler men keshenderdiń monıtorıngin júrgizý qaǵıdalary (budan ári – Qaǵıdalar) «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» 2001 jylǵy 16 shildedegi Qazaqstan Respýblıkasynyń Zańy (budan ári – Zań) 19-babynyń 20) tarmaqshasyna sáıkes ázirlendi jáne salynyp jatqan (salynýy belgilengen) obektiler men keshenderdiń monıtorıngin júrgizý tártibin aıqyndaıdy. 2. Salynyp jatqan (salynýy belgilengen) obektiler men keshenderdiń monıtorıngin: 1) oblystyń vedomstvolyq baǵynysty aýmaǵynda júzege asyrylatyn sáýlet, qala qurylysy jáne qurylys qyzmeti salasynda oblystardyń ákimdikteri; 2) vedomstvolyq baǵynysty aýmaqta belgilengen shekara sheginde júzege asyrylatyn sáýlet, qala qurylysy jáne qurylys qyzmeti salasynda respýblıkalyq mańyzy bar qalanyń, astananyń ákimdikteri; 3) vedomstvolyq baǵynysty aýmaqta belgilengen shekara sheginde júzege asyrylatyn sáýlet, qala qurylysy jáne qurylys qyzmeti salasynda halqynyń sany júz myńnan asatyn oblystyq mańyzy bar qalalardyń ákimdikteri; 4) vedomstvolyq baǵynysty aýmaqta belgilengen shekara sheginde júzege asyrylatyn sáýlet, qala qurylysy jáne qurylys qyzmeti salasynda halqynyń sany júz myńǵa deıingi oblystyq mańyzy bar qalalardyń ákimdikteri; 5) vedomstvolyq baǵynysty aýmaǵynda júzege asyrylatyn sáýlet, qala qurylysy jáne qurylys qyzmeti salasynda aýdandardyń ákimdikteri; 6) memlekettik sáýlet-qurylys ınspeksııasy júrgizedi. 2. Salynyp jatqan (salynýy belgilengen) obektiler men keshenderdiń monıtorıngin júrgizý tártibi 3. Oblystardyń (respýblıkalyq mańyzy bar qalanyń, astananyń, oblystyq mańyzy bar qalalardyń, aýdandardyń) ákimdikteri sáýlet, qala qurylysy jáne qurylys qyzmeti salasynda: 1) jerge tıisti quqyq berý týraly berilgen sheshimder negizinde salynýy belgilengen obektiler men keshender týraly; 2) bıýdjet qarajaty esebinen salynyp jatqan obektiniń tapsyrys berýshisi usynǵan derekter negizinde salynyp jatqan obektiler men keshenderdiń monıtorıngin júzege asyrady. 4. Memlekettik sáýlet-qurylys ınspeksııasy: 1) qurylys-montaj jumystaryn júrgize bastaǵany týraly qabyldanǵan habarlamalar negizinde salynýy belgilengen obektiler men keshender týraly; 2) baqylaý jáne qadaǵalaý júrgizý qorytyndylary boıynsha alynǵan derekter negizinde salynyp jatqan obektiler men keshender monıtorıngin júzege asyrady. 5. Salynyp jatqan (salynýy belgilengen) obektiler men keshenderdiń monıtorıngi turaqty negizde júrgiziledi. 6. Salynýy belgilengen obektiler men keshender týraly monıtorıng mynadaı derekter negizinde qalyptastyrylady (júrgiziledi): 1) obektiniń jáne keshenniń ataýy men mekenjaıy; 2) obekti men kesheniń tapsyrys berýshisiniń (menshik ıesiniń) tolyq ataýy (zańdy tulǵa úshin) nemese tegi, aty, ákesiniń aty (jeke tulǵa úshin); 3) obekti men keshen qurylysyna arnalǵan jer ýchaskesine tıisti quqyq berý týraly jergilikti atqarýshy organnyń sheshimi; 4) obekti men keshen qurylysyna arnalǵan jer ýchaskesiniń nysanaly maqsaty. 7. Salynyp jatqan obektiler men keshender týraly monıtorıng mynadaı derekter negizinde qalyptastyrylady (júrgiziledi): 1) obektiniń jáne keshenniń ataýy men mekenjaıy; 2) obekti men keshenniń tapsyrys berýshisiniń (menshik ıesiniń) tolyq ataýy (zańdy tulǵa úshin) nemese tegi, aty, ákesiniń aty (jeke tulǵa úshin); 3) bas merdigerdiń (merdigerdiń) tolyq ataýy; 4) tehnıkalyq qadaǵalaýdy júzege asyratyn adamnyń tegi, aty, ákesiniń aty; 5) obekti men keshen qurylysynyń bastalýy; 6) obekti men keshen qurylysynyń normatıvtik merzimi; 7) obekti men keshenniń jaı-kúıi týraly aqparat, ol oryndalatyn qurylys jumystarynyń túrlerin qamtıdy. 3. Salynyp jatqan (salynýy belgilengen) obektiler men keshenderdiń monıtorıngi boıynsha aqparat berý tártibi 8. Oblystardyń (respýblıkalyq mańyzy bar qalanyń, astananyń, oblystyq mańyzy bar qalalardyń, aýdandardyń) ákimdikteri sáýlet, qala qurylysy jáne qurylys qyzmeti salasynda sáýlet, qala qurylysy jáne qurylys isteri jónindegi ýákiletti memlekettik organnyń aýmaqtyq bólimshesine: 1) osy Qaǵıdalarǵa 1-qosymshaǵa sáıkes ár aıdyń 5-kúnine salynýy belgilengen obektiler men keshender týraly aqparatty; 2) osy Qaǵıdalarǵa 2-qosymshaǵa sáıkes toqsan saıyn 5-kúnine salynyp jatqan obektiler men keshender týraly aqparatty jiberedi. Eger keleshekte obektiler men keshender qurylysy josparlaýda bolmaǵan jaǵdaıda, salynýy belgilengen obektiler men keshender týraly aqparat osy tarmaqta kórsetilgen merzimde berilmeıdi. 9. Sáýlet, qala qurylysy jáne qurylys isteri jónindegi ýákiletti memlekettik organnyń aýmaqtyq bólimsheleri aıdyń 10-kúnine qaraı sáýlet, qala qurylysy jáne qurylys isteri jónindegi ýákiletti memlekettik organǵa monıtorıng boıynsha jıyntyq aqparat beredi. 8. Sáýlet, qala qurylysy jáne qurylys isteri jónindegi ýákiletti memlekettik organ salynyp jatqan (salynýy belgilengen) obektiler men keshenderdiń monıtorınginiń www.minregion.gov.kz resmı ınternet-resýrsynda jarııalanýyn qamtamasyz etedi. Salynyp jatqan (salynýy belgilengen) obektiler men keshenderdiń monıtorıngin júrgizý qaǵıdalaryna 1-qosymsha _____________ oblysy boıynsha salynýy belgilengen obektiler men keshender týraly 20_ jylǵy ________ arnalǵan monıtorıngi № r/s Obekt (ataýy men mekenjaıy) Tapsyrys berýshi Jergilikti atqarýshy organnyń jer ýchaskesine tıisti quqyq berý týraly sheshimi Jer ýchaskesiniń nysanaly maqsaty Eskertpe 1 2 3 4 5 6   Salynyp jatqan (salynýy belgilengen) obektiler men keshenderdiń monıtorıngin júrgizý qaǵıdalaryna 2-qosymsha __________ oblysy boıynsha salynyp jatqan obektiler men keshenderdiń 20_ jylǵy __________ arnalǵan monıtorıngi № r/s Obekti (ataýy men mekenjaıy) Tapsyrys berýshi Bas merdiger (merdiger) Tehnı-kalyq qadaǵalaý Qurylystyń bastalýy Qurylystyń normatıvtik merzimi Obektiniń jáne keshen- niń jaı-kúıi týraly aqparat 1 2 3 4 5 6 7 8