Aımaqtaǵy saılaýaldy naýqan aıasyndaǵy saparynyń alǵashqy núktesi Bestamaq aýylyna soǵyp, jergilikti turǵyndarmen kezdesý ótkizdi. Aýyl turǵyndary úmitkerge tikeleı kent arqyly ótetin Aqtóbe-Astrahan tas jolyna baılanysty shaǵymdandy. Búginde jobaǵa sáıkes keńeıtilip jatqan bul jol eldi mekendi ekige bólip tur. Sonymen qatar joldaǵy kólik aǵyny qozǵalysy óte qarqyndy, tas jol boıymen jeńil avtokólikter de, júk kólikteri de qatar júredi. Bul jergilikti turǵyndar úshin belgili bir qıyndyqtar týdyrýda. Birinshiden, jol boıynda ornalasqan úı turǵyndaryn kúndiz-túni tynbaıtyn kólik dybysy mazalaıdy. Ekinshiden, turǵyndar únemi joldy kesip ótýge májbúr, al bul óte qaýipti.
Aýyl turǵyndarynyń muń-zarymen tanysqan Nurlan Áýesbaev adamdardyń qaýipsizdigi memlekettiń basty mindeti ekenin atap ótti. Aınalma jol salý qajettiligi anyq. Ne sebepti ákimdik pen jol qurylysy basqarmasy eldi meken turǵyndarynyń qajettilikterin elemeı júrgeni suraq týdyrady. Úmitker bul máseleni tez arada sheshý kerek ekenine basa nazar aýdardy. Mundaı jaǵdaılardyń qaıtalanbaýy úshin ol Qazaqstanda memlekettik basqarý júıesin reformalaý qajet ekenin atap ótti.
