Paıdalanýshynyń smartfonyna 1414 nómirinen qujattardyń daıyn bolǵany týraly, sondaı-aq express.gov4c.kz portalynda daıyn qujattardy jetkizýdi resimdeýge usynys bildiretin SMS-habarlama joldanady. Budan ári formany toltyryp, jetkizý mekenjaıy men telefonyn kórsetip, jetkizilim aqysyn tóleý kerek.
Kýrer birden taǵaıyndalady. Al jetkizýdiń naqty ýaqyty tapsyrys berilgen kezde belgili bir aımaqtaǵy kýrerlik qyzmetterge suranystyń bolýymen, mejeli jerge deıingi qashyqtyqqa jáne joldaǵy jaǵdaıǵa baılanysty anyqtalady. Ortasha alǵanda, bul bir saǵatty quraıdy. Jetkizý mártebesin Iаndeks Go qosymshasynda nemese SMS-habarlamada kórsetilgen silteme boıynsha karta vıdjeti arqyly baqylaýǵa bolady.
HQO-dan qujattardy jetkizý azamattardy ortalyqqa qaıta barýdan bosatady, sonymen birge ýaqytty únemdeıdi. Bul jumys isteıtin adamdarǵa, qaldyryp ketýge bolmaıtyn kishkentaı balalary nemese basqa týystary bar azamattarǵa qolaıly.
«Azamattarǵa arnalǵan úkimet» memlekettik korporasııasy» KeAQ basqarma tóraǵasy Súıenish Ábdildın ózara jasalǵan yntymaqtastyqty bylaı dep túsindiredi: «Biz buǵan deıin bir jumys kúni ishinde qujattardy jetkizý qyzmetin iske qosqan bolatynbyz. Endi Sıfrlyq damý mınıstrliginiń bastamasy boıynsha Iаndekspen birlesip jetkizýdiń neǵurlym jyldam ári yńǵaıly balamaly tásilin iske asyrdyq. Kóbinese qujat bizge shuǵyl qajet bolýy múmkin. Mundaı sátterde Iаndeks jetkizý qyzmetin paıdalaný yńǵaıly. Adamdarda árdaıym jumystan ketýge, qaıtyp kelýge nemese balalardy úıde qaldyrýǵa múmkindik bola bermeıdi. Qujattardy jetkizý servısi ýaqyt pen aqshany aıtarlyqtaı únemdeıdi».
Búginde qazaqstandyqtarǵa 150 memlekettik qyzmet boıynsha qujattardy jetkizýge bolady. Onyń ishinde týý, nekege turý jáne nekeni buzý týraly anyqtamalar, áskerı bıletterdiń telnusqalary, jyljymaıtyn múlikke menshik quqyǵyn memlekettik tirkeý, bilim týraly «apostıl» mórtańbasy qoıylǵan qujattar bar. Bul rette jeke kýálikti, pasportty nemese júrgizýshi kýáligin kýrer arqyly alýǵa bermeıdi, ony alý úshin ózińiz kelýińiz qajet.
17 qalanyń turǵyndary qujattardy jetkizý qyzmetin paıdalana alady. Bul – Astana, Almaty, Kókshetaý, О́skemen, Taraz, Qyzylorda, Petropavl, Aqtaý, Pavlodar, Shymkent, Semeı, Atyraý, Qaraǵandy, Oral, Taldyqorǵan, Qostanaı jáne Aqtóbe qalalary. Jaqyn arada qyzmetterdi qamtý aımaǵyna Túrkistan, Ekibastuz jáne Qonaev qalalary qosylmaq.
