Aýyl sýretshisiniń galereıasy

Qazir jasy jetpisten asty. Biraq áli de sýret salady. Onyń jeke qorynda 100-den astam kartına bar. Aýyldaǵy orta mektepte beıneleý páninen dáris bergen sýretshi óleń de jazady. Osy kezge deıin bes kitaby jaryq kórdi.

Alty jyl buryn ózi tu­ratyn aýylynda galereıa­syn ashyp, oǵan 70-ten asa kartınasyn qoıdy. Sýret­shiniń týyndylary tek óz aýylyna ǵana emes, Túrkııa, Italııa, Germanııa sekildi shetelderge ta­ny­mal. Al ózi kezinde Más­keý­de ótken búkilodaqtyq shy­­ǵar­mashylyq konkýrstyń laýreaty atanǵan.

– Elordadan alystaǵy eldi mekender uly dala­myz­dyń bir bólshegi ǵoı. Men­de alańsyz ju­mys isteı­tin jeke sheber­hana joq. Uly dalamyz alyp sheberhana se­kildi bolyp kó­rinedi, – deı­di Ma­hambet syı­ly­ǵynyń laýreaty Tilek Halın.

Sýretshiniń armany – qazaqtyń atyn, ózi turatyn Bódene aýy­lyn álemge tanytý. Galereıasyn zań­das­tyryp, shań basqan týyndylaryn jurtshylyqqa keńinen ta­nys­tyrǵysy keledi.

– Bizdiń aýyldyń janynda úlken toǵaı bar. Sýretshi sol to­ǵaıdy aınytpaı beınelegen kar­­tınasyn «Talótkel» dep ataǵan. Galereıaǵa kelgen saıyn sol kar­tınaǵa qa­rap, sýretshiniń sheber­ligine tamsanamyn, – deıdi aýyl tur­ǵyny Roza Sataeva.

Atyraý oblysy