Aqtaýdaǵy aıtys: ár men áser

«Bereke basy – birlikte» dep atalatyn respýblıkalyq aqyndar aıtysy Aqtaýda ótti. «Nur Otan» HDP-nyń 15 jyldyǵyna arnap atalmysh partııa men Mańǵystaý oblystyq mádenıet basqarmasy birlesip uıymdastyrǵan aıtysqa elimizdiń ár túkpirinen qatysqan 10 aqyn, bes jup bop saıysqa tústi. «Sóz degeniń de buıym ba, Sóıleý degende qıyn ba? Talaı da talaı sóıledik, Satyrlaǵan da jıynda» dep tolǵana tókpelegen dúr aqyndar men jyrdan daýyl turǵyzǵan dúleı jyraýlardyń mekeni Mańǵystaýda alaman aıtysty qyzyqtap, elimizdiń ár óńirinen kelgen sýyryp salma júırikterdiń aýyzynan shyqqan óleńge qanyǵý úshin kórermender kóp jıyldy. Bes saǵatqa sozyl­ǵan aıtysqa QR Parlamenti Máji­lisiniń depýtaty O.Asanǵazy, res­pýblıkalyq Ardagerler keńe­si­niń tóraǵasy О́.Ozǵanbaı, «Ara» jýr­nalynyń bas redaktory K.Ámir­­bek, aıtysker aqyn, «Asyl arna» telearnasynyń dırektory M.Tazabek, Qazaq mádenıet ǵylymı-zertteý ınstıtýtynyń bas dırektory M.Tájimurat qazylyq etti. Qazirgi qazaq qoǵamy úshin bere­ke-birlik eń basty qajettilik, damý­dyń kepili. Aıtys taqyryby da osy baǵytta bolǵandyqtan, aıtys­ker aqyndar bereke-birlikti, eldik­ti jyrlaýǵa kóp kóńil bóldi. Qoǵam­daǵy ózekti máseleler, kıeli Mań­ǵystaý dalasynyń qadir-qasıeti aı­tys taqyrybynan tys qalǵan joq, son­daı-aq qazekemniń naǵashyly-jıen­dik, jeńge-qaınylyq, qatar-qur­bylyq jarasymdy ázil-qaljyńy da óleń shýmaqtaryna aınalyp jatty. Nátıjesinde atyraýlyq aqyn S.Nurmanov bas júldege tigilgen 2 mln. teńgeni qanjyǵasyna baılap ketti. 1-orynnyń bási 1,5 mln. teńgeni Tarazdan kelgen aqyn Á.Dúısebaev oljalasa, 1 mln. teńge qarjylaı syıy bar 2-oryndy Almatynyń aqyny Q.Myrzahan ıelendi. 750 myń teńge tigilgen qos 3-oryn Semeıden kelgen aqyn qyz S.Toqtamysova men qyzylordalyq M.Nııazovqa buıyrdy. Aıtysqa qatysqany úshin oraldyq T.Myqı, pavlodarlyq R.Qaıdar, qaraǵandylyq A.Jumaǵulov, aq­tó­belik O.Qıynbaev jáne mań­ǵys­taýlyq A.Jolmaǵanbetov árqaısysy 500 myń teńgelik syı-qarjymen marapattaldy. Aıtys sońynda Mańǵystaý oblysynyń ákimi A.Aıdarbaev pen QR Parlamenti Májilisiniń depýtaty O.Asanǵazy sóz alyp, uıymdastyrýshylar men aqyndarǵa rızashylyqtaryn bildirdi. Biraq, Nurym, Qashaǵan, Abyl, Aralbaı,  Aqtan, Túmen, Sáttiǵuldar jyrynan «sheker jep dánikken» jurttyń ókilderi buǵan deıin de aıtys súıer qaýymnyń aıyzyn qandyryp júrgen Muhtar, Sara syndy aqyndarǵa rıza bolýmen qatar, Mańǵystaýdyń «týyn ustap shyqqan» aqyn uldarynyń aıaq alysy men sóz saptasyna kóńilderi tolǵan joq. «Chempıon aqyn» Melstiń, ázilqoı aqyn Nurlannyń sońynan aıtys arǵymaǵyna minip, alamanǵa atoılaı qosylǵan ulannyń bolmaýy – mańǵystaýlyqtardyń alańdap júrgen jáıi. Aqyn joq pa, álde ony taýyp, baptaı almaı júrmiz be degen oı qaldy báriniń kókeıinde... Gúlaıym ShYNTEMIRQYZY, «Egemen Qazaqstan». AQTAÝ.