Sarapshylar ustanymy

Aqparat jáne qoǵamdyq damý mınıs­trliginiń qoldaýymen Qazaq­stan qoǵamdyq damý ınstıtýty uıymdastyrǵan is-sharaǵa Ortalyq saılaý komıssııasy tóraǵasynyń orynbasary Konstantın Petrov, jer­gilikti memlekettik organ­dar­dyń ókilderi, saıasattanýshylar, bel­sendi jastar men QQDI sarapshylary qatysty.

Otyrysqa qatysqandar el ómi­rin­degi mańyzdy naýqannyń saıası mańyzyn taldap, alda kele jatqan saılaý barysynda ashyqtyq pen zańdylyqty qamtamasyz etý jol­daryn qarastyrdy. Ondaǵy ınno­vasııalar men ózgeristerdi tal­qy­la­dy.

Ortalyq saılaý komıssııasy tóraǵasynyń orynbasary Kons­tan­tın Petrovtyń aıtýynsha, kezekten tys prezıdent saılaýyna 12 úmitker usynylǵan. Qazir saılaýaldy úgit-nasıhat kezeńi bas­taldy. Jalpy, kezekten tys saılaýdy ótkizýdiń kezekti saılaýdan aıyrmashylyǵy az. Iаǵnı eki jaǵdaıda da saılaýǵa daıyndalý jáne ony ótkizý úderisteri bir erejege negizdeledi. Tek úmitkerlerdi usyný, olardy tirkeý merziminde ǵana azdaǵan aıyrmashylyq bar.

– Kópshilik arasynda úmitker­ler­di tek saıası partııalar ǵana usyna alady degen jańsaq túsinik bar. Tipti keıbir buqaralyq aqparat quraldarynyń ózi keıde osyndaı qatelikke jol berip jatady. Shyntýaıtyna kelgende, prezıdent saılaýyna respýblıkalyq qo­ǵam­dyq birlestikter de óz kandıdattaryn usyna alady. Biz muny is júzinde kórip otyrmyz. Mysaly, qazirgi Memleket basshysynyń kandıdatýrasyn úsh partııadan bólek, taǵy birneshe qoǵamdyq birlestik usynyp otyr. Aıta ketetin taǵy bir másele, 19 qarasha tynyshtyq kúni dep belgilendi. Iаǵnı bul kúni úgit-nasıhat jumystarynyń bári toqtatylady. Buryn jarııalanǵan materıaldar saıttarda sol kúıi tura beredi, biraq úgit-nasıhat mazmundas kontent tynyshtyq kúni bas betke shyǵyp ketpeýi kerek, – dedi K.Petrov.

Jıynda oblys ákimi appara­tynyń basshysy Murat Sandybaev saılaýdy uıymdastyrý jáne ony materıaldyq-tehnıkalyq jaǵynan qamtamasyz etý barysynda atqa­ryl­ǵan jumystardy baıan etti. Al jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Álııa Mekebaeva saılaý ýchaskeleriniń múmkindigi shekteýli saılaýshylarmen qalaı jumys isteıtini týraly esep berdi.

Sarapshylar otyrysynan keıin Ortalyq saılaý komıssııasy tóraǵasynyń orynbasary jergilikti saılaý ýchaskelerin aralap, komıssııa ókilderine arnalǵan semınar-trenıngtiń barysymen tanysty.

Qostanaı oblysy